पृथक मिथिला राज्य क मांग पर प्रदर्शन

1
2

नई दिल्ली। अखिल भारतीय मिथिला राज्य संघर्ष समिति क तत्वावधान मे पृथक मिथिला राज्य क मांग कए लकए मिथिलावासी शुक्रदिन दिल्ली क जंतर-मंतर पर प्रदर्शन केलथि। प्रदर्शन मे सांसद कीर्ति झा आजाद, माहेश्वर हजारी, महाबल मिश्र, विधायक अनिल कुमार झा आ डॉ वैधनाथ चौधरी भाग लेलथि। बाद मे इ सब गिरफ्तारी सेहो देलथि। एहि दौरान प्रदर्शनकारी, भीख नहीं अधिकार चाही, हमरा मिथिला राज्य चाही, क नारा लगबैत रहलथि।
सांसद कीर्ति झा आजाद कहला जे मिथिलांचल क समस्या क हल अलग राज्य स संभव अछि। क्षेत्र कए पृथक राज्य क दर्जा भेटलाक बाद आर्थिक, सामाजिक, राजनीतिक, भाषाई आ औद्योगिक आजादी सहित बाढ़ आ सुखाड क समस्या स निदान भेटत। माहेश्वर हजारी कहला जे बिना मिथिला राज्य क मिथिलांचलक लोकक विकास संभव नहि अछि। महाबल मिश्र घोषणा केलथि जे पृथक मिथिला राज्य क लेल ओ कोनो तरह क कुर्बानी देबा लेल तैयार छथि।
अखिल भारतीय मिथिला राज्य संघर्ष समिति क अध्यक्ष वैधनाथ चौधरी कहला जे आगामी अक्टूबर-नवंबर माह मे बिहार मे विधानसभा क चुनाव हेबाक अछि। ओ मिथिलावासी क भावना क कद्र करैत राजनीतिक पार्टी स अपील केलाह जे ओ अपन घोषणा पत्र मे पृथक मिथिला राज्य क मांग कए जरूर स्थान दथि।

Please Enter Your Facebook App ID. Required for FB Comments. Click here for FB Comments Settings page

1 COMMENT

  1. Prashanshniya kaj kayal. Muda kane Mithila ke jagau ne. karan ekhno bahuto lok nak ghokchaobait kahata je ki chhaik Mithila aa ki chhaik Maithili. Aa raj la ka ki hetai?

Comments are closed.