शराब बंदी कानून मे संशोधन, नीतीश कैबिनेट क अहम निर्णय

0
3
पटना। मंगल दिन विहार क नीतीश कैबिनेट शराब बंदी क कड़गर कानून मे किछु ढील देबाक निर्णय लेलक । नव संशोधित कानून क अन्तर्गत आब शराब भेटला पर घर, वाहन, जमीन जब्त करबाक कानून मे ढील देल गेल अछि। पहिल बेर शराब पीबय बलाकेँ तीन मासक जेल अथवा पचास हजार टाका क जुर्माना होयतनि।शराब बंदी कानून से सामूहिक जुर्माना क प्रावधान समाप्त कयल गेल अछि।
संशोधित नियम अंतर्गत शराब पीउला से मृत्यु होयबाक घटना रोकबा लेल उम्र कैद अथवा फांसी क सजाय क प्रावधान नव कानून मे कयल गेल अछि। शराब बंदी कानून मे संशोधन करबाक विषय में मुख्यमंत्री कहने छलाह जे कानूनविद से विचार-विमर्श पश्र्चात संशोधन विधेयक आनल जायत।तेँ हुनक अध्यक्षता में विगत विहार कैबिनेट क बैसक मे शराब संशोधन क संग कुलम ३९ एजेंडा कय स्वीकृति देल गेल।एहि में ग्रामीण क्षेत्र मे विद्युत आपूर्ति हेतु ग्रीड बनेबाक प्रस्ताव शामिल अछि।

Please Enter Your Facebook App ID. Required for FB Comments. Click here for FB Comments Settings page