रक्सौल स काठमांडू तक बिछाउल जायत रेल लाइन

समदिया
नई दिल्ली । जयनगर आ जनकपुरक बीच रेलवे आमान परिवर्तनक आज एहि साल पूरा क लेत, संगहि काठमांडू आ सक्सौल के बीच सेहो रेल संपर्क शुरु करबा लेल पटरी बिछेबाक योजना तैयार भ गेल अछि। शीघ्र नई दिल्ली आ कोलकाता स सीधा काठमांडू लेल रेल चलत। भारत सरकार रक्सौल स काठमांडू तक रेल लाइन तैयार करत। रेल मंत्रालय क एहि प्रस्ताव कए भारत आ नेपाल सरकार दूनू मंजूरी द देलक अछि। एकर अलावा कईटा परियोजना पर सेहो नेपाल क पीएम आ भारत क पीएम नरेंद्र मोदी के बीच सहमति बनल अछि।
तीन दिवसीय दौरा पर अपन पत्नी राधिका शाक्या संग दिल्ली पहुंचल नेपालक प्रधानमंत्री केपी शर्मा ओली काल्हि प्रतिनिधिमंडल- स्तर क वार्ता स पहिने मोदी क संग बैसार केलथि।  बैसारक बाद मोदी ट्वीटकेलथि जे नेपालक प्रधानमंत्री केपी शर्मा स भेंट क आनन्दित छी।
ओली सांझखन नेपाली दूतावास मे नेपाली समुदाय क  सदस्य संग गपशप केलथि। नेपाली दूतावास में ओली कहला जे नेपाल ‘हर पड़ोसी आ ‘हर मित्र संग करीबी संबंध रखबाक इच्छुक अछि। प्रधानमंत्री मोदी संग बैसार पर ओ कहला जे नीक गपशप भेल। कांग्रेस अध्यक्ष राहुल गांधी स सेहो ओ भेंट केलथि अछि।
एहि स पूर्व आइ भोर मे नेपाली परंपराक अनुरूप नेपालक पीएम ओली अपन पत्नी राधिका शाक्य ओली संग पहिल विदेश यात्रा पर भारत पहुंचलाह। प्रधानमंत्री क आगवानी गृह मंत्री राजनाथ सिंह केलथि।

नीक वा अधलाह - ज़रूर कहू जे मोन होय

comments