कोशी शोक नहि कोष अछि : संजय पासवान

दू दिवसीय कोशी शिखर सम्‍मेलनक पहिल दिन जुटलाह दिग्‍गज
उद्धाटन भाषण मे संजय पासवान कहलाल कोशी कोष अछि आओर शोक सेहो नतीजा एकर इस्‍तेमाल पर अछि ।
मैथिली क समकाल आ नवतुरिया पर अलग सत्र भेल आयोजित
मैथिली कवि गोष्‍टी स पहिल दिनका सत्र समाप्‍त

सहरसा । पूर्व केन्‍द्रीय मंत्री, विधान पार्षद आ भाजपा क दलित प्रकोष्‍ट क नेता श्री संजय पासवान कहलाह जे कोशी बिहार लेल शोक कहल जाएत अछि । हरेक साल एकर बाढ़ि जीवन आ संपत्‍ति क नुकसान करैत अछि । निरंतर चंचला रहबाक लेल कोशी क कैकटा विध्‍वंसक किस्‍सा इतिहास मे दफन अछि । मुदा हमरा जनैत कोसी शोक नहि कोष अछि जरूरत अछि अहाँ एकर केना उपयोग करैत छी । श्री पासवान दू दिवसीय कोशी शिखर सम्‍मेलन क पहिल दिन अपन उदघाटन अभिभाषण मे उक्‍त गप कहलाह । कार्यक्रम कए संबोधित करैत ओ लोकसभा आ विधानसभा क तर्ज पर आयोजित युवा संसद कए युवाक लेल महत्‍वपूर्ण आ चेतना जागृत करय बला कार्यक्रम बतेलथि । ओ कहलाह जे कोसी क विकास लेल ओ राजनीति स उपर उठिकए काज करताह । श्री पासवान कहलाह जे आयोजन क सफल संचालन कहियो जे उद्धाटन मे पक्ष क लोग अछि त समापन विपक्ष करताह । एहि शानदार आयोजन लेल ओ सोमू आनंद आ टीम कए धन्‍यवाद ज्ञापित केलथि ।

एहि स पहिने सम्‍मेलन का उद्घाटन इस्‍ट एंड वेस्‍ट कॉलेज क संस्‍थापक श्री रजनीश रंजन, आर.एम. कॉलेज क पूर्व प्राचार्य अनिल कुमार मिश्र, पूर्व केन्‍द्रीय मंत्री, आ विधान पार्षद श्री संजय पासवान, संतोष झा आदि संयुक्‍त रूप स केलथि ।

श्री संजय पासवान आयोजन समिति क सदस्य अभिनव नारायण झा, सोमू आनंद, राजा रवि आओर सुमित प्रकाश कए धन्यवाद दैत बजलाह जे कोशी क्षेत्र मे एहन आयोजन साल मे कम से कम दू बेर हेबाक चाहि । संगे एहि आयोजन क एकटा स्‍मारिका निकलबा क गप सेहो ओ कहलथि । कार्यक्रम मे बतौर मुख्य अतिथि अनिल कुमार मिश्र एहि आयोजन कए एकटा शानदार आयोजन बतेलाह आ कार्यक्रम क सफल संचालन लेल संपूर्ण टीम कए शुभकामना देलाह । इस्‍ट एंड वेस्‍ट टीचर ट्रेनिंग क संस्‍थापक श्री रजनीश रंजन कहलाह जे देश मे बदलाव युवे टा आनि सकैत अछि । और युवाक एहि सम्‍मेलन एहि गप कए चरितार्थ सेहो करैत अछि । कोशी शिखर सम्‍मेलन सहरसा आ कोशी मे विकास मे अपन एकटा अहम भूमिका निभाओत । अपन अभिभाषण मे एक बेर फेर ओ सहरसा विश्‍वविद्यालय लेल कृ‍त संक्‍ल‍प देखेलाह । ओ कहलाह जे बनारस मे जखैन ओ ऑटो बला कए बीएचयू लंका बीएचयू लंका बजैत सुनैत छल त हुनका एक्‍केटा गप मोन पड़ैत जे सहरसा टीशन पर सेहो एहिना ऑटो बला सहरसा युनिर्सिटी करैत खोलतिए ।

सम्मेलन मे स्वागत भाषण संस्थापक अभिनव नारायण झा आ धन्यवाद ज्ञापन सोमू आनंद देलथि । सम्मेलन मे आयोजन समिति क सदस्य राजा रवि कार्यक्रम मंच संचालन कए रहल छलाह ।

दोसर सत्र मे लोकसभा मे आ विधानसभा क तर्ज पर एकटा युवा संसद बैसाओल गेल जाहि मे एक तरफ जतय विधान सभा मे शराबबंदी कानून क समीक्षा आ प्राथमिक शि‍क्षा क दशा आ दिशा पर परिचर्चा भेल ओतहि लोकसभा नोटबंदी आ महिला आरक्षण पर परिचर्चा भेल । कार्यक्रम क तेसर सत्र मे मैथिली विषय पर एकटा विशेष सत्र राखल गेल छल जाहिक विषय छल मैथिली क समकाल आ युवा कबि जाहि मे मैथिली क युवा कवि विकाश वत्‍सनाभ, अरूणाभ सौरभ, आ रधुनाथ मुखिया अपन विचार राखलथि । पहिल दिनक सत्र क समापन मैथिली कवि गोष्‍टी स भेल जाहि मे अरविंद मिश्र नीरज, अरूणाभ सौरभ, विकास वत्‍सनाभ, आंनद झा, मुख्‍तार, रजनीश प्रियदर्शी आदि अपन कविता पाठ केलाह ।

नीक वा अधलाह - ज़रूर कहू जे मोन होय

comments