पूरनिया मे बिहारक पहिल फ्रोजेन सीमेन स्टेशनक शिलान्यास, गौ नश्ल होएत उन्नत

रामबाबू

पटना । मुख्यमंत्री नीतीश बजलाह कि दूधक उत्पादन क्षेत्रमे मरंगा स्थित फ्रोजेन सीमेन स्टेशन मीलक पाथड़ सिद्ध होयत। अहिसँ नहि केवल दूधक उत्पादनमे बढ़ोतरी होयत अपितु किसान आऔर पशुपालक सभक देशीय गायक गुणवत्तामे सेहो बढ़ोतरी होयत। ई देशक सबसँ पैघ फ्रोजेन सीमेन स्टेशन अछि। अहिमे 200 नीक नस्लीय साड़कें राखल जाएत। ओहिसँ प्रत्येक साल 50 लाख यूनिट सीमेन केर उत्पादन होयत। अहिसँ नहि केवल बिहार अपितु नॉर्थ-ईस्ट केर पशुपालक सभकेँ सेहो लाभ भेटितनि। आगु ओ बजलाह कि मरंगा क्षेत्रमे फ्रोजेन सीमेन स्टेशन खुजलाक बाद बिहारमे एकटा आऔर फ्रोजेन सीमेन स्टेशन खोलल जाएत।

उल्लेयखनीय अछि जे 1854 तक समस्तीापुर में एशियाक सबस पैघ घोडा प्रजनन केंद्र छल। 1886 मे दरभंगा नरेश महाराजा लक्ष्मी्श्व्र सिंह भारत में जर्सी गायक प्रजनन लेल पहिल प्रयास करैत दरभंगा मे 200 एकड मे गौशालाक निर्माण केलथि। करीब सौ साल बाद एक बेर फेर पैघ स्तोर पर प्रजनन केंद्र क विकास लेल नीतीश कुमार प्रयासरत छथि।
मुख्यमंत्री मरंगा स्थित बकरी पालन सह प्रजनन केंद्रमे फ्रोजेन सीमेन स्टेशन केर शिलान्यास करय लेल पटनासँ पूर्णिया पहुंच गेल छथि। अपन तय समय पर मुख्यमंत्री बियाडा स्थित  हेलीकॉफ्टर सँ कार्यक्रम स्थल पर पहुँचलाह। कार्यक्रम स्थल पर भ’ रहल भूमि पूजन कार्यक्रममे सम्मिलित भेलाह आ फेर शिलान्यास कएलाह।
आगु ओ बजलाह कि फ्रोजेन सीमेन स्टेशन केर खुजि गेलासँ पशुपालक सभकेँ आमदनीमे सेहो बढ़ोतरी होयत। मुख्यमंत्रीक साथ केंद्रीय कृषि मंत्री राधामोहन सिंह संगहि राज्यक पशुपालन मंत्रीक साथ कएको मंत्री मंच पर उपस्थित छलाह। केंद्रीय मंत्री राधामोहन सिंह सम्बोधन कएलाह कि कृषि आऔर पशुपालन केर लSक केंद्र केर योजना सभसँ लोक सभके जानकारी दैत बजलाह कि बिहार सरकारक सहयोगसँ देशक सबसँ पैघ फ्रोजेन सीमेन स्टेशन पूर्णिया मे बनि रहल अछि। अहिसँ राज्य आऔर देशक देशीय नस्ल केर गायमे गुणात्मक सुधार अनबा मे ई सेंटर महत्वपूर्ण भूमिकाक निर्वहन करत।
आगु ओ बजलाह कि पटनाक सीमेन स्टेशन मे एखन तीन लाख सीमेन डोज तैयार होयत अछि जखन कि मरंगा सेंटरसँ 50 लाख सीमेन डोज प्रत्येक साल उत्पादन होयत। अहिसँ दूधक उत्पादनमे सेहो बेसी मदति भेटत। ओ बजलाह कि अहि सेंटर केर लाभ 2022 धरि देख’मे आबि जाएत, जखन प्रत्येक घरक दरवज्जा पर दूध देखल जाएत। आगु ओ बजलाह कि अहिकें लSक पशुपालक सभक आऔर किसान सभक बीच जागरुकता अनबाक जरूरत अछि। संगहि जनप्रतिनिधि केर सेहो चाहि कि प्रधानमंत्री कृषि संपदा योजनाक माध्यमे प्रोसेसिंग प्लांट के’ लSक लोकक बीच जागरुकता अभियान चलेबाक प्रयास करथि।
कार्यक्रमक समय नेशनल डेयरी डेवलपमेट बोर्ड केर अध्यक्ष दिलीप रथ आऔर पशुपालन विभागक सचिव डॉ. एन विजयालक्ष्मी मुख्यमंत्री आऔर केंद्रीय मंत्री केर सोझा अनुबन्धक हस्तानांतरण कएल गेल ओहिठाम पशु एवम मत्स्य संसाधन मंत्री पशुपति नाथ पारस केंद्रीय कृषि मंत्री केर धन्यवाद दैत बजलाह कि नेशनल डेयरी डेवलपमेंट बोर्ड निर्माण कार्य गति सँ करथि जाहिसँ तय समय पर मरंगा फ्रोजेन सीमेन स्टेशन सँ सीमेन यूनिट केर उत्पादन शुरू भ’ सकैए। जानकारी होय कि मरंगामे नेशनल डेयरी डेवलपमेंट बोर्ड केर माध्यम सँ 64 करोड़ केर एकर निर्माण कएल जाएत।

नीक वा अधलाह - ज़रूर कहू जे मोन होय

comments