पहिल कडी : इ अपहरण रुकि सकैत छल…

डॉक्टर दंपती क अपहरण आ बरामदगी पर इ स्टोरी बिहार क प्रसिद्ध पत्रकार ज्ञानेश्वर अपन अनुभव आ एहि मामला मे जुटाउल गेल जानकारी पर हमरा लोकनिक संग साझा केलथि अछि। बिहार लेल अपहरण कोनो नव गप नहि अछि, मुदा इ अपहरण होइत कोना अछि आ पुलिस एहि मामला मे कोना सफल भेल एहि पर इ आलेख मुख्य रूप स प्रकाश दैत अछि । विषय पैघ अछि ताहि लेल आलेख सेहो लंबा अछि । पहिल खेप प्रस्तुत अछि।  – समदिया

त इलाहाबाद मे भेल गुप्ता दंपती क रिहाई

Gyaneshwarखैर मनाउ जे गया क चिकित्सक डा. पंकज गुप्ता पत्नी शुभ्रा गुप्ता संग सकुशल घर लौट एलाह । गैंगस्टर अजय सिंह सेहो पुलिस क हत्था चढ़ल । अपहरण क मामला मे पुलिस कए सेहो जानकारी कैक बेर उलझा देत अछि । एहि उलझन स किछु भ्रम सेहो पैदा होइत अछि । आब सच की अछि जे डाक्टर दंपती कए नहि त पुलिस क दावा क मुताबिक लखनऊ मे छोड़ल गेल आ नहि डेहरी मे, जेना कि घर लौटलाक बाद डा. पंकज गुप्ता  मीडिया कए बता रहल छथि । अपहर्ता हिनका सब कए इलाहाबाद जाकए छोड़ने छल, ओहि ठाम स इ सब पुरुषोत्म्ता /पूर्वा एक्साप्रेस स गया पहुंचलथि । गया एलाक बाद दंपती क रिहाई क खबरि कुंदन कृष्णन क माध्यम स यूपी एसटीएफ क आईजी सुजीत पांडेय कए कंफर्म कैल गेल ।

संजय क बेटा तक छल रेडार पर

एहि तरहक भ्रम पैदा भेला स पालिटिकल सवाल सेहो उठैत अछि । कानाफूसी सेहो होइत अछि। एहि मामला मे सेहो किछु एहने भेल। किछु पत्रकार फिरौती क दावा क  रहल छथि, मुदा एहन दावा करनिहार अजय सिंह गिरोह क माडेस अप्रेंडी स बिलकुल अनभिज्ञ छथि । हकीकत क जांच क बाद निष्किर्ष  इ अछि जे एहि अपहरण कांड मे कोनो फिरौती नहि वसूलल जा सकल । एहि गप क दावा ओहिना नहि संभव अछि बल्कि एकरा लेल बिहार मे कांड क मानीटरिंग क रहल आईपीएस कुंदन कृष्णनन कए प्रणाम करबा क चाही । बहुत कम समय मे कृष्णन गया-रफीगंज-सासाराम-पटना-जमुई मे गैंगस्टलर अजय सिंह स जुड़ल करीब बीस गोटे कए रडार पर लेलथि । पत्नी-सार स लकए इंजीनियरिंग क पढ़ाई क रहल अजय सिंह क बेटा तक रेडार पर छल ।

कुंदन क कंफर्मेशन क बाद शुरु भेल कार्रवाई

इ सेहो सच अछि जे बिहार पुलिस लखनऊ मे दू दिन स कैंप क रहल छल । यूपी पुलिस क आईजी (एसटीएफ) सुजीत पांडेय मानीटरिंग क रहल छलाह । सबटा लीड्स गोमतीनगर मे जाकए ठहरैत छल । गोमतीनगर क खबरि पहिने स छल । पूर्व मे सेहो एहि गिरोह द्वारा अपह्त ठेकेदार रविरंजन सिंह क परिजन फिरौती क भुगतान लखनऊ क गोमतीनगर मे केने छलाह । यूपी एसटीएफ क पड़ताल क बाद शारदा अपार्टमेंट क पहचान भेल । एहि अपार्टमेंट मे हजार स बेसी लोक रहैत अछि । फेर फ्लैट पर कंफ्यूजन छल । गन बैटल एहि ठाम मुश्किल छल ।  मंगलदिन पांच मई क राति बहुत अहम् छल । अपहरण मामला मे अपह्त क सकुशल रिहाई पुलिस क सर्वोच्च प्राथमिकता होइत अछि । लखनऊ क शारदा अपार्टमेंट मे घुसि कए यूपी एसटीएफ तुरंत पैघ सर्च आपरेशन क सकैत छल मुदा कैक तरीका क संकोच सेहो छल । दोसर दिस अपन स्टाइल मे काज करनिहार कुंदन कृष्णन पटना मे दबाव क मीटर देखि निश्चिंत छलाह जे अपहर्ता कए चिकित्सक दंपति कए भोर तक छोड़ब मजबूरी अछि । इ स्पष्ट नहि छल जे रिहाई कतए होएत । निश्चिंतता एहि गपक सेहो पूर्ण नहि छल जे गोमतीनगर क शारदा अपार्टमेंट मे अपहर्ता लग अपह्त चिकित्सक दंपती छथि बा नहि । एहन मे अपार्टमेंट क भीतर घुसिकए तुरंत कार्रवाई करब सेहो मुनासिब नहि छल ।

जखन कुंदन कृष्णन यूपी एसटीएफ कए बुधदिन छह मई कए भोर मे कंफर्म केलथि जे डाक्टिर दंपती कए छोडि देल गेल, तखन यूपी पुलिस कनि सक्रिय भेल । मुदा कतए छोड़लक,इ नहि पता छल, किया कि छोडलाक बाद डाक्टर क फोन नहि आयल छल । एहन मे बाट ताकल गेल। जखन डाक्टर दंपती घर गया पहुंच गेलथि तखन सौ फीसदी मुमकिन भ गेल जे रिहाई भ गेल । ते, आपरेशनल टीम शारदा अपार्टमेंट स ता धरि दूर रहल । दोसर दिस अजय सिंह गिरोह कए एकर अंदेशा नहि छल जे बिहार पुलिस क टीम लखनऊ पहुंच चुकल अछि । ओ अपह्त कए रिहा क आ तनावमुक्ते भ गेल छल । कुंदन कष्ण न जहिना रिहाई कंफर्मेशन देलथि यूपी एसटीएफ बिहार पुलिस क टीम क संग शारदा अपार्टमेंट मे कार्रवाई शुरु क देलक । ऑडी गैराज मे देख विश्वासस पुख्ता भ गेल । फ्लैट नंबर सूचना मुताबिक कंफर्म भ चुकल छल । फेर सीधा धावा बाजल गेल । आपरेशन मे गैंगस्टटर अजय सिंह पकडल गेल । अपहरण मे इस्तेमाल सामान क जब्ती भेल । जारी……।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments