653 करोड़ स बनत गाम-गाम सड़क

Road-construction_AV
पटना। मुख्यमंत्री नीतीश कुमार चार हजार किमी ग्रामीण पथ क निर्माण कार्य क शुभारंभ केलथि अछि। प्रधानमंत्री ग्रामीण सड़क योजना क एहि सड़क क निर्माण राज्य सरकार क ग्रामीण कार्य विभाग क अंतर्गत कार्यरत बिहार ग्रामीण पथ विकास एजेंसी द्वारा कराउल जा रहल अछि। सड़क निर्माण पर 653 करोड़ टका खर्च हेबाक अनुमान अछि, जाहि मे 200 करोड़ क राशि राज्य बजट स देल जाइत। जून 2010 तक तीन हजार किमी सड़क क निर्माण कार्य पूरा करि लेबाक लक्ष्य अछि। मुख्यमंत्री कहा जे हमरा हिसाब चाहि जे ग्रामीण सड़क पर केतबा रोलर चलि रहल अछि। मुख्यमंत्री कहला जे हमार इ महत्वाकांक्षा अछि जे बिहार क कोनो हिस्सा स पटना चारि स पांच घंटा क भीतर हर हाल मे पहुंचल जाए। एकरा लेल सरकार रोड सेक्टर मे खूब काज करि रहल अछि। एहि सोच क तहत राज्य सरकार एकटा महत्वपूर्ण फैसला इ लेलक अछि जे एनएच आ पीडब्ल्यूडी क सड़क कए छोडि़कए शेष सबटा सड़क क जवाबदेही आब ग्रामीण कार्य विभाग क होइत। बहुत एहन सड़क अछि जे मेंटेनेंस क अभाव मे खराब भ रहल अछि। आब सड़क क मेंटीनेंस क जिम्मा ग्रामीण कार्य विभाग कए द देल गेल अछि। प्रधानमंत्री ग्राम सड़क योजना, न्यूनतम आवश्यकता कार्यक्रम आ फेर नाबार्ड वित्त पोषित योजना क बाद जे सड़क बचि गेल अछि ओकर निर्माण कार्य क जिम्मा ग्रामीण कार्य विभाग क होयत। मुख्यमंत्री अवशेष सड़क निर्माण योजना बनेबाक गप केलथि।
मुख्यमंत्री कहला जे हमरा इ गिनती चाही जे केतबा रोड रोलर ग्रामीण सड़क पर चलि रहल अछि। तखने हम बुझब जे सड़क क निर्माण भ रहल अछि। लोक कए इ साफ देखेबाक चाही जे ओकर इलाका क सड़क नीक स बनि रहल अछि। एक दिन मे केतबा किमी सड़क बनल एकर ब्योरा सब दिन हमरा उपलब्ध हेबाक चाही। इ नीक गप अछि जे टेंडर मे आब कम समय लागि रहल अछि। मानिटरिंग क सेहो बेहतर तंत्र विकसित हेबाक चाही। मुख्यमंत्री क्वालिटी कंट्रोल क लेल सब जिला मे तकनीकी व्यवस्था शुरू करबाक गप कहलथि। कहला जे लोकक संतोष सबस पैघ पैमाना होइत अछि। गड़बड़ी कोनो कीमत पर बर्दाश्त नहि कैल जाइत।
मुख्यमंत्री ग्रामीण सड़क क लेल मेंटीनेंस पॉलिसी बनेबा पर विशेष जोर देलथि। डिफेक्ट लायबिलिटी क चर्चा करैत कहला जे ओ चाहैत छथि जे एकर अवधि पांच वर्ष क हो मुदा एकरा तीन वर्ष क लेल कैल गेल अछि। डिफेक्ट लायबिलिटी क तहत निर्माण क तीन वर्ष क भीतर सड़क टूटला पर ओकर पुनर्निर्माण ओहि कंपनी द्वारा कराउल जैत, जे ओकरा पहिने बनेने अछि।

नीक वा अधलाह - ज़रूर कहू जे मोन होय

comments

2 टिप्पणी

  1. Thank u. Pahil ber kono maithil etek nik jaka apan sambad mein e paper launch kelak. Hamra dis sa Hardik Subhkamna evam Badhai.

  2. Badhai, Hamra sab lel e atyant gauarab k vishay achi je apan samad mein ek ta apan dis ke apan bhasha mein internet ke madhayam se launch bhel ek ta akbhar, Hardik Badahi.

Comments are closed.