दरभंगा फिल्‍म फेस्टिवल मे देखाउल जाएत जगदीशचंद्र बोस

दरभंगा। मैथिली फिल्म क स्वर्ण जयंती (50 साल) वर्ष क उपलक्ष्य पर दरभंगा फिल्म क्लब 02 -03 फरवरी कए पहिल दरभंगा अंतरराष्ट्रीय फिल्म फेस्टिवल क आयोजन करि रहल अछि। जगदीश चंद्र बोस दरभंगा अंतरराष्ट्रीय फिल्म फेस्टिवल क मुख्‍य आकर्षण होएत। एकर संगहि कईटा आओर फीचर फिल्‍म, लघु फिल्‍म आ वित्‍तचित्र क प्रदर्शन होएत। एहि मे मिथिला क लोक मैथिली क संगहि कईटा अन्य् भाषाक फिल्‍म सेहो देख सकताह, जाहि मे पांच टा विदेशी फिल्म सेहो शामिल अछि। दरभंगा अंतरराष्ट्रीय फिल्म फेस्टिवल मे जाहि फिल्म क प्रदर्शन होएत ओकर अंतिम सूची जारी क देल गेल अछि। ज्ञात हुए जे मिथिला क धरती पर इ दोसर फिल्मम महोत्सरव होएत। एहि स पूर्व दरभंगा मे किछु साल पहिने बाल फिल्मे महोत्सवक आयोजन भ चुकल अछि।
पहिल दरभंगा अंतरराष्ट्रीय फिल्म फेस्टिवल क आयोजन लक्ष्मीविलास पैलेस (कामेश्वर सिंह दरभंगा संस्कृत विश्वविद्यालय) क एतिहासिक दरबार हॉल मे होएत। आयोजनकर्ता सबहक कहब अछि जे मैथिली फिल्म क संगहि एहि धरती पर बनल अन्य) भाषाक फ़िल्म सबहक मिथिला क संस्कृति कए संरक्षण आ संबर्धन मे महत्वहपूर्ण योगदान रहल अछि। एहि अंतरराष्ट्रीय फिल्म फेस्टिवल क आयोजन स मिथिला क्षेत्र मे सिनेमा आ वित्त्चित्र क निर्माण आ प्रदर्शन कए गति भेटत।
फिल्म फेस्टिवल क कोर कमेटी क सदस्यल मेराज सिद्दीकी एहि संबंध मे जानकारी दैत कहला जे दरभंगा फिल्म क्लब एहि आयोजन क माध्याम स मैथिली सिनेमा आ विश्व मे पसरल क्षेत्रीय सिनेमा क बीच एकटा सेतु क काज करत। दोसर शब्द मे कहल जाए त एहि आयोजन स दरभंगा फिल्मथ जगत मे एकटा प्रमुख स्थलक रूप मे उभरत आ एहि ठाम फिल्मे क लेल काज क वातावरण तैयार भ सकत। दरभंगा अंतरराष्ट्रीय फिल्म उत्सव स मिथिला दिस फिल्म उद्योग क ध्याटन आकृष्टल होएत आ राष्ट्रीय आ अंतरराष्ट्रीय फिल्म उद्योग स मिथिला आ मैथिली क जुडाव संभव भ सकत।
ओ कहला जे कहबा लेल मैथिलि सिनेमा 50 साल क सफर तय क लेक मुदा एखनो इ डेगा-डेगी चलबाक प्रयास क रहल अछि, तेकर कारण अछि जे एकरा सरोकारी व्यावसायिक बनेबाक लेल सरकारी स्तर स कोनो पहल नहि भ सकल अछि। दरभंगा मे भ रहल एहि अंतरराष्ट्रीय फिल्म उत्सव स मैथिली सिनेमा कए नव पहचान भेट सकत।
दरभंगा अंतरराष्ट्रीय फिल्म उत्सव मे विदेशी फिल्म क संबंध मे ओ कहला जे ज़ाहिर अछि दरभंगा अंतरराष्ट्रीय फिल्म उत्सव क दौरान दुनिया भरि क अलग अलग भाषा क फ़िल्म क प्रदर्शन होएत। ओ कहला जे एहि आयोजनक दौरान केवल फिल्मल देखबाक मौका नहि भेटत बल्कि एहि फिल्मल स जुडल लोक सब स सीधा संवाद करबाक मौका सेहो भेट सकत।

maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna, दरभंगा, मिथिला, मिथिला समाचार, मैथिली समाचार, बिहार, मिथिला समाद, इ-समाद, इपेपर

नीक वा अधलाह - ज़रूर कहू जे मोन होय

comments