दरभंगा स विमान सेवा शुरू भेल

airoदरभंगा। करीब चारि दशक बाद एक बेर फेर दरभंगा हवाईअड्डा पर स निजी यात्री विमान उड़ान भरत। दरभंगाक महाराजक कृपा स बनल एहि हवाई पट्टी स आब आम लोक सेहो 14 तारीख स उड़ान भरि सकताह।

दरभंगा स हवाई यात्रा क सपना 14 सितंबर स मूर्तरूप ल लेत। दरभंगा स पटना क बीच डीटीडीएस ट्रैवेल एण्ड टूर प्लानर कंपनी एकरा लेल अपन तैयारी पूरा करि लेलक अछि। एहि महीनाक 14, 18, 23, 25 आ 28 तारीख कए दरभंगा हवाई अड्डा स अपराह्न 12.45 बजे विमान उड़ान भरत। 45 मिनट बाद 1.30 बजे इ जहाज पटना पहुंचत। पटना स सांझखन 4 बजे इ रांची क लेल प्रस्थान करत। एहि संबंध मे कंपनी क बिजनेस डेवलपमेंट आफिसर चंदन मांझी कहला जे फिलहाल दरभंगा स पटना क बीच हवाई यात्रा क लेल प्रति यात्री 3481 टका भाड़ा राखल गेल अछि। हालांकि भविष्य में एहि मे कमी हेबाक संभावना अछि।
दरभंगा-पटना क बीच ट्रायल क तौर पर एखन सप्ताह मे दू दिन विमान उड़ान भरत। पटना स दरभंगा क लेल जहाज अपराह्न 11.30 बजे उडि़कए 12.15 बजे दरभंगा मे लैंड करत। 30 मिनट बाद इ पटना क लेल प्रस्थान करत। पटना स सांझखन 4 बजे रांची क लेल विमान उड़ेत। दरभंगा क संग ही पूर्णिया आ गया क लेल सेहो तिथि निर्धारित करि देल गेल अछि। एहि महीनाक 16, 21 आ 30 तारीख कए पटना स अपराह्न 11.30 बजे उड़ान भरकए इ जहाज अपराह्न एक बजे पूर्णिया पहुंचत। फेर पूर्णिया स 1.30 बजे चलिकए इ वापस तीन बजे पटना लौटत। एहि ठामक लेल 4817 टका प्रति यात्री भाड़ा तय कैल गेल अछि। पटना-गया क बीच हवाई यात्रा करबा लेल मात्र 2290 टका प्रति यात्री कंपनी कए बतौर भाड़ा देबाक अछि। पटना स गया क लेल एहि माहक 14, 16, 18, 21, 23, 25, 28 आ 30 कए विमान उड़ान भरत।
निर्धारित तिथि कए प्रात: 7.15 बजे रांची स इ विमान उड़ान भरत जे 8.50 पूर्वाह्न मे पटना पहुंचत। पटना स इ जहाज 9.25 पूर्वाह्न मे गया क लेल प्रस्थान करत। गया 10 बजे पहुंचत। 20 मिनट बाद 10.20 बजे वापस पटना क लेल चलत। 10.55 बजे इ पटना मे लैंड करत। रांची क लेल सांझखन 4 बजे उडि़कए इ 5.35 अपराह्न मे रांची पहुंचत। मांझी कहलथि जे पटना स रांची क बीच क भाड़ा कम राखल गेल अछि। 5454 टका क जगह आब मात्र 4794 टका भाड़ा लेल जा रहल अछि। मांझी कहब अछि जे यात्री क मांग कए देखला पर विमान सेवा कए प्रतिदिन आ थ्री सीटर क जगह पर नाइन सीटर एयर टैक्सी क परिचालन करबाक सेहो योजना अछि। दरभंगा स रांची क लेले डायरेक्ट टिकट भेटबाक प्रश्न पर ओ कहलथि जे अगर दूटा लोक सीधा रांची क लेल टिकट लेत त ओकरा इ सुविधा देल जाइत। फेयर मे लाभ भेटबाक बाबत ओ कहलथि जे एकरा लेल योजना बनाउल जा रहल अछि। दोसर दिस इंटरनेट क माध्यम स टिकट क बुकिंग सेहो शुरू भ गेल अछि।

नीक वा अधलाह - ज़रूर कहू जे मोन होय

comments

6 टिप्पणी

  1. neek laagal. saaj-sajja seho bahut improve bhel achhi. sab mahina samaad denai badd parishram’k aa dhairya’k kaaj chhi. hamar badhai aa subhkamana.

  2. बड्ड नीक प्रस्तुति। मोन प्रसन्न भए गेल।
    समाद मैथिलीक ऑनलाइन समाचारपत्रक रूप मे जे सेवा कए रहल अछि से
    लोकक मोनमे अंकित भए गेल अछि।

  3. Bahut Nik bat khas ka jinka sabke time kam achi aur mithlak lagao achi. Biswas achi je hum Mithila aur pargati karat aaway wala din main.Dhanyabad

Comments are closed.