11 मई कए पता चलत कए बनाउत मधेपुरा मे रेल संयंत्र

0
10
esamaad maithili newspaper

नई दिल्ली। आखिरकार रेलवे ओ तारीख घोषित करि देलक जेकर बिहार कई साल स बाट ताकि रहल छल। रेलवे बिहारक मढोरा डीजल लोकोमोटिव संयंत्र क लेल मूल्य निविदा खुलबाक तारीख 10 मई आओर मधेपुरा इलेक्ट्रिक लोकोमोटिव संयंत्र क लेल 11 मई तय केलक अछि। रेल मंत्रालय क वरिष्ठ सूत्र क कहब अछि जे बोली दस्तावेज मे लोकोमोटिव आपूर्ति क लेल मूल्य भिन्नता उपबंध आ रखरखाव क प्रौद्योगिक हस्तांतरण उपबंध मे बदलाव करि देल गेल अछि। एहि कारण स करीब 1200 करोड क एहि लोकोमोटिव परियोजना कए अस्थाई रूप स रोकि देल गेल छल। अधिकारीक कहब अछि जे रेलवे आब एहि परियोजना कए गति देबा मे लागि गेल अछि। बदलावक संबंध मे ओ कहला जे रेलवे मढोरा आ मधेपुरा जइसन पैघ सार्वजनिक निजी भागीदारी परियोजना कए ध्यान मे रखैत पीपीपी मोडक परियोजनाक बोली दस्तावेज मे बदलाव करि देलक अछि, ताकि एहि परियोजना कए बेसी स बेसी यथार्थपरक आ व्यावहारिक बनाउल जा सके। एहन मे इ उम्मीद कैल जा सकैत अछि जे बिहारक एहि दूनू परियोजना जल्द जमीन पर उतरत।

Please Enter Your Facebook App ID. Required for FB Comments. Click here for FB Comments Settings page