समृद्ध विरासत क बूते होइत सूबा क विकास

बिहारशरीफ (नालंदा)। मुख्यमंत्री नीतीश कुमार कहलथि जे बिहार क समृद्ध विरासत आ धरोहर क बूते ओ सूबा क विकास क उच्च शिखर पर ल जेताह। ओ एहि अभियान मे जनता स सहयोग क अपील करैत कहलथि जे राजगीर मे सात दिन क प्रवास हुनकर नालंदा क गौरवशाली अतीत कए पुनर्जीवित करेबा लेल अछि। मुख्यमंत्री तेल्हाड़ा मे बालादित्य खंडहर क उत्खनन काज क शुभारंभ करबाक बाद गौतमबुद्ध स्टेडियम क शिलान्यास समारोह कए संबोधित करैत छलाह। मुख्यमंत्री कहलथि जे हम अपन धरोहर आ विरासत क सहारे बिहार क अलग पहचान बनेताह। ओ युवा स सूबा क गौरवशाली इतिहास कए लग स जानि कए ओहि स जुड़बाक अपील करैत कहलथि जे युवा पीढ़ी क जागरूक हेबा स बिहार क विकास संभव अछि। हुनकर मंशा बिहार कए एतना आगू ल जेबाक अछि जतए दोसर प्रदेश बिहार स ईष्र्या करै लागए। ओ पूर्ववर्ती वक्ता क मांग कए मानैत तेल्हाड़ा मे विद्युत सब स्टेशन बनेबा, नहर निर्माण मे किसान क जमीन कए अधिग्रहण पर रोक आ तेल्हाड़ा स मानसिकपुर तक सड़क निर्माण क घोषणा केलथि। ओ राजगीर प्रवास क बारे मे चर्चा करैत कहलथि जे प्रवास क सात दिन मे नालंदा कए अंतरराष्ट्रीय स्तर क पर्यटक स्थल बनेबाक खाका खींचल जाएत। कला संस्कृति विभाग, नव नालंदा महाविहार आ काशी शोध संस्थान क सहयोग स नालंदा क धरोहर आ विरासत पर शोध चलि रहल अछि, जेकर सुखद परिणाम शीघ्र सामने आउत। कला संस्कृति विभाग क सचिव विवेक कुमार कहलथि जे देश क इतिहास मे इ पहिल मौका अछि, जखन कोनो मुख्यमंत्री पुरातत्व महत्व क खंडहर कए उत्खनन काज क शुरूआत केलक अछि।

नीक वा अधलाह - ज़रूर कहू जे मोन होय

comments

कोई जवाब दें