शहर क सौंदर्यीकरण लेल अलग स बैसार हेबाक चाही : कीर्ति

दरभंगा। सांसद कीर्ति झा आजाद कहला अछि जे शहर क ढांचागत विकास लेल विशेष पहल हेबाक चाही। ओ नगर निगम खास क महापौर गौरी पासवान कए शहर क सौंदर्यीकरण लेल एकटा विशेष बैसार बजेबाक सुझाव देलथि अछि। सांसद कहला जे शहरक विकास लेल सर्वसम्मंति स एकटा प्रारूप तय हेबाक चाही जाहि पर त्वोरित अमल कैल जा सकए। ओ कहला जे निगम एकटा एहन बैसार आयोजित करै जाहि मे सांसद, विधायक आ निगम पार्षद सब मिल कए दरभंगा क विकास लेल अपन अपन राय आ सुझाव दथि आ ओहि पर आम सहमति स अमल कैल जाए।
किछु सडक क शिलान्याौस आ लोकार्पण लेल दरभंगा आयल सांसद श्री आजाद निगम बोर्ड क बैसार मे सेहो शामिल भेलाह। नव निगम बोर्ड क एहि पहिल बैसार मे सांसद कीर्ति आजाद शहर क विकास स संबंधित डीपीआर तैयार करबा लेल निगम अभियंता सुशील कुमार स कईटा प्रश्न पूछलाह। श्री आजाद हुनकर उत्तर स असंतुष्ट भ शहर क विकास लेल मात्र गप करबाक नहि बल्कि कागजी काज करबा पर बल देलथि। ज्ञात हुए जे इ’समाद आ इटीवी क संयुक्तब खोज मे 1936 मे तैयार भेल दरभंगा क ओ मास्टिर प्लाेन भेटल अछि जे आधिकारिक तौर पर लुप्त् करार देल जा चुकल छल। टेम्लेो क बनाउल मास्ट र प्लाान भेटला स दरभंगा लेल नवका मास्टतर प्लाोन बनेनिहार सब परेशान भ गेलाह अछि, किया त आब हुनक कलम क दिशा पुरान मास्ट र प्लाान स तय करबा लेल दबाव बनि रहल अछि।
एहन मे सांसद कीर्ति आजाद सेहो शहरक विकास लेल मौखिक सुझाव आ कार्रवाई स बेसी लिखित सुझाव पर जोर देलथि अछि। ओ शहरक विकास लेल गंभीर भ काज करबा पर बल दैत निगम पार्षद सब स अपन गप लिखित रूप मे दर्ज करेबा लेल कहलथि। सांसद कहला जे लिखित रूप मे गप कहला स नगर आयुक्तस बा महापौर कए उत्तेर देबा मे या अमल करबा मे सुविधा होएत। मौखिक गप करबा स सर्वाधिक लाभ नगर आयुक्तत कए होइत अछि जिनका लग कोनो लिखित प्रमाण नहि रहला स ओ अपन मर्जी स शहरक विकास करबा लेल आजाद भ जाइत छथि। सासंद कहला जे केंद्र शहर क विकास लेल कईटा योजना चला रहल अछि, मुदा दरभंगा कए ओकर लाभ नहि भेट रहल अछि। किया त राज्यस सरकार या दरभंगा नगर निगम एहि लेल कोनो प्रस्ताओव तक तैयार नहि केने अछि। जखन अहां कोनो प्रस्ता‍व तक तैयार नहि केने छी त अहां कए योजनाक लाभ कोना भेटत। ओ कहला जे शहर मे जलापूर्ति लेल एखन धरि 40 करोड खर्च भ चुकल अछि, मुदा ओकर उपयोगिता जनता लेल एखन धरि शून्ये अछि।
नगर निगम बोर्ड भेल एहि महत्वपूर्ण बैसर मे सथानीय स्तपर पर कईटा प्रसताव आ फैसला भेल। कुल मिला कए बैसार मे शहर क विकास पर मंथन क दौरान कईटा सपना कए सच करबा लेल सेहो विमर्श भेल। बैसार मे नगर निगम क दिग्घी पोखरि मे बनल नौका विहार आ चंद्रधारी संग्रहालय मे बनल संगीतमय फव्वारा कए आनंद शहरवासी कए शीघ्र देबा लेल एकटा प्रस्‍ताव पारित कैल गेल। महापौर क अध्यक्षता मे भेल एहि बैसार मे नगर विधायक संजय सरावगी, विधान पार्षद विनोद कुमार चौधरी, नगर आयुक्त केबीएन सिंह सहित कईटा अधिकारी आ निगम कर्मी उपस्थित छलथि।
maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna, दरभंगा, मिथिला, मिथिला समाचार, मैथिली समाचार, बिहार, मिथिला समाद, इ-समाद, इपेपर

नीक वा अधलाह - ज़रूर कहू जे मोन होय

comments