विवि क गैरशैक्षणिक स्टाफ कए भेटत प्रदेश क कर्मचारी क बराबर क दर्जा

नई दिल्लीज। सुप्रीम कोर्ट बिहार सरकार कए निर्देश देलक अछि जे राज्य क सबटा विविद्यालय आ ओहि स सम्बद्ध कॉलेज मे कार्यरत गैरशैक्षणिक स्टाफ कए प्रदेश क कर्मचारी क बराबर क दर्जा देल जाए।
हुनकर वेतनमान आ अन्य सुविधा मे विसंगति कए दूर करबा लेल एकरा तीन मास क भीतर लागू कैल जाए। सुप्रीम कोर्ट क आदेश स बिहार क विविद्यालय मे कार्यरत कई हजार कर्मचारी कए लाभ होएत।
जस्टिस पी सदाशिवम आ जगदीश सिंह केहर क पीठ पटना हाईकोर्ट क फैसला क खिलाफ राज्य सरकार क याचिका कए खारिज क देलक। सुप्रीम कोर्ट कहलक जे गैरशैक्षणिक कर्मचारी क फेडरेशन आ राज्य सरकार क प्रतिनिधि क बीच जुलाई 2007 मे भेल समझौता क प्रावधान कए लागू कैल जाए। बेंच राज्य सरकार क एहि तर्क कए अस्वीकार क देलक जे कैबिनेट क मंजूरी क बिना भेल समझौता कए मानबा लेल सरकार बाध्य नहि अछि। सुप्रीम कोर्ट कहलक जे समझौता क बाद राज्य सरकार द्वारा आदेश जारी भेल, एकर बाद सरकार अपन निर्णय स मुकर नहि सकैत अछि। सुप्रीम कोर्ट राज्य सरकार क एहि दलील कए सेहो नकारि देलक जे राज्यपाल द्वारा आदेश जारी न भेला क कारण कानून क नजरि मे समझौता वैध नहि अछि।
अदालत स्पष्ट केलक जे संविधान क अनुच्छेद 166 क तहत एहि तरह क मामला मे राज्यपाल क भूमिका निर्देशात्मक अछि, अनिवार्य नहि। अगर राज्यपाल क हस्ताक्षर क बिना सरकार सर्कुलर जारी करैत अछि त ओकरा सरकार क आदेश मानल जाएत। बिहार सरकार क शिक्षा विभाग उच्च शिक्षा क संस्थान मे कार्यरत कर्मचारी कए 1987 मे राज्य सरकार क स्टाफ क समकक्ष दर्जा द देने छल। एहि आदेश क लागू नहि हेबा पर राज्य क तमाम विविद्यालय आ कॉलेज क कर्मचारी कई बेर हड़ताल पर जा चुकल छथि। सब बेर हड़ताल एहि आश्वाकसन क संग समाप्त कैल जाइत अछि जे राज्य सरकार जल्द मांग कए मूर्तरूप दैत।
19 जुलाई, 2007 कए कर्मचारी राज्य सरकार क संग भेल लिखित समझौता क बाद अपन हड़ताल खत्म केने छलथि। जखन एक साल बितला बाद आदेश लागू नहि भेल तखन जुलाई 2008 मे कर्मचारी एक बेर फेर हड़ताल केलथि। दरोगा प्रसाद रॉय कॉलेज क छात्र सनी प्रकाश शिक्षण संस्थान मे पढ़ाई नहि हेबा स क्षुब्धम भ पटना हाईकोर्ट क चीफ जस्टिस कए पत्र लिखलाह। चीफ जस्टिस पत्र कए जनहित याचिका मे तब्दील क सुनवाई केलथि आ सात अगस्त, 2008 कए राज्य सरकार कए आदेश देलथि जे ओ समझौता कए लागू करथि।
हाईकोर्ट क फैसला क खिलाफ राज्य सरकार सुप्रीम कोर्ट क रुख केलक मुदा अपने आदेश कए रद्दी क पथिया मे फेकबा लेल सुप्रीम कोर्ट बिहार सरकार कए खिंचाई केलक।

maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna, दरभंगा, मिथिला, मिथिला समाचार, मैथिली समाचार, बिहार, मिथिला समाद, इ-समाद, इपेपर

नीक वा अधलाह - ज़रूर कहू जे मोन होय

comments