विपक्ष क ‘बिहार ब्रांडिंग’

0
3
esamaad maithili newspaper

विधानमंडल मे फेंकल गेल कुर्सी-टेबुल
पटना । पटना मे एक दिस जतय लंदन स्कूल ऑफ इकोनोमिक्स बिहार ब्रांडिंग पर कार्यशाला आयोजित केलक ओहि ठाम विपक्ष सेहो अपन तरीका स बिहार ब्रांडिंग करबा मे जुटल रहल। अराजक शासन देनिहार राजग आ बिहार मे जगन्नाथ मिश्र सन मुख्यमंत्री द कुशासनक जन्मदेनिहार कांग्रेस लोजपा कार्यकर्ता पर भेल पुलिसिया पिटाई क खिलाफ एकजुट भ शुक्रदिन विधानमंडल क दूनू सदन मे हंगामा केलथि आ कार्यवाही ठप करि देलथि। एहि दौरान विधानसभा आ विधान परिषद मे कुर्सी फेंकल गेल आ टेबिल पलटि देल गेल। इ देख स्पीकर उदय नारायण चौधरी अंतत: सोमदिन तक लेल सदन क कार्यवाही स्थगित करि देलथि। विधान परिषद मे सभापति ताराकांत झा सेहो एहना केलथि।
जहिना विधान परिषद क कार्यवाही शुरू भेल राजद, कांग्रेस आ लोजपाक सदस्य सरकार स इस्तीफा मंगैत वेल मे धरना पर बैस गेलाह। रिपोर्टर टेबुल आ कुर्सी पलट देलथि। परिषद क इतिहास मे इ पहिल बेर भेल जखन टेबिल पलटल गेल। एना भेल विपक्षक बिहार ब्रांडिंग आ सबूत देल गेल जे चाहे सब किछु बदलि जाए, मुदा विधानसभा मे हिनकर व्यवहार नहि बदलत।

Please Enter Your Facebook App ID. Required for FB Comments. Click here for FB Comments Settings page