राज्‍य क पहिल दंत प्रत्यारोपण दरभंगाक मे

0
2
esamaad maithili newspaper

दरभंगा। बिहारक पहिल दंत प्रत्यारोपण सर्जरी दरभंगाक सरयुग डेंटल कालेज मे भेल। ख्यातिप्राप्त दंत सर्जन डा. संजय लाभ क नेतूत्व मे डा. केएनपी सिन्हा दांत क प्रत्यारोपण केलथि। प्रत्यारोपण क बाद मरीज कए शीघ्रहि छु़ट्टी द देल गेल। डॉक्‍टर क अनुसार प्रत्यारोपण क बाद कृत्रिम दांत नेचुरल दांत जेना काज करैत अछि। डा लाभक अनुसार जबडा स सबटा दांत गायब रहबा पर सेहो कृत्रिम दांत क प्रत्यारोपण भ सकैत अछि। प्रत्यारोपण क बाद मरीज कठोर स कठोर खाद्य पदार्थ क सेवन सेहो क सकैत छथि। ओ कहला जे इ दांत टाइटेनियम स बनल होइत अछि। डा. लाभ कहला जे जबडा क भीतर मे कृत्रिम दांत सर्जरी क सहारे लगाउल जाइत अछि। इ अत्याधुनिक विधि अछि। प्रत्यारोपित दांत कए हर छह मास पर डेंटल सर्जन स सफाई जरूर करेबाक चाही। कालेज क निदेशक श्री सिंह कहला जे इ सर्जरी बिहार मे पहिल बेर दरभंगा मे भेल अछि। दरभंगा डेंटल चिकित्‍साक क्षेत्र मे आन ठाम स अगुआ गेल अछि।

maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page