राजगीर मे खाद्य प्रसंस्करण इकाई क उदघाटन

0
2
esamaad maithili newspaper

राजगीर। मुख्यमंत्री नीतीश कुमार आम्रपाली बायोटेक इंडिया प्रा.लिमिटेड क खाद्य प्रसंस्करण इकाई छबिलापुर (राजगीर) क उद्घाटन केलथि। एहि अवसर पर ओ कहला जे उद्योग क क्षेत्र मे बिहार तेजी स आगू बढि रहल अछि, मुदा किछु लोक कए बजबाक आदत अछि आ ओ बाजि रहल छथि। ओ पुराना राग क अलाप क रहल छथि। नीतीश कहला जे 2005 मे बिहार लग एकटा सुईयाक कारखाना नहि छल। विपक्ष पर निशाना साधैत कहला जे आब काज भ रहल अछि त देखबाक साहस नहि जुटा पाबि रहल छथि। उद्यमी लेल सिंगल विंडो सिस्टम बनाउल जा रहल अछि। बिहार शताब्दी समारोह मनेबाक दौरान जखन ओ मुम्बई गेलाह त ओहि ठामक उद्योगपति स भेंट मे पता चलल जे मुबई क चमड़ा उद्योग तिरहुत क उद्यमी सब चला रहल छथि।
मुख्यमंत्री कहला जे ओ बिहार लेल कोनो पैघ सपना नहि देखने छथि ओ मात्र इ सपना ल बिहार कए आगू बढा रहल छथि जे कोनो जिला क गाम स पटना क सफर छह घंटा मे पूरा भ जाए आ बिहार क उत्पादित वस्तु देश क हर राज्य क थाली मे देखबा लेल भेट जाए। हम दूनू लक्ष्य क करीब छी। किशनगंज जिला क किछु गाम मे सडक निर्माण पूरा भेला स हमर पहिल सपना पूरा भ जाएत। दोसर सपना सेहो पूरा हेबाक प्रक्रिया मे अछि।
मुख्यमंत्री आम्रपाली बायोटेक क खाद्य प्रसंस्करण प्लांट क भीतर प्रवेश क बनि रहल वस्तु सब कए देखलथि। एहि अवसर पर आम्रपाली समूह क अध्यक्ष सह प्रबंध निदेशक डा.अनिल कुमार कहला जे हुनकर बक्सर मे दोसर खाद्य प्रसंस्करण इकाई छह माह मे चालू भ जाएत।
maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page