मुंबई लेल विदा भेल बिहारक तरकारी

2
15
esamaad maithili newspaper

पटना। नालंदा स तरकारी क पहिल खेप मुंबई लेल विदा भ गेल। एकर संगहि मुंबई आ बिहार क बीच एकटा नव संबंध सेहो स्‍थापित भ गेल। आब मुंबई क लोक सेहो बिहार क तरकारी क स्वाद ल सकताह। बिहार मे उपजल तरकारी देश क आर्थिक राजधानी मे सेहो बिकायत। नालंदा जिला क आर्गेनिक वेजिटेबल फेडरेशन आओर मुंबई क जैविक सब्जी क विपणन करि रहल कम्पनी आर्गेनिक गार्डन क बीच करार क बाद आइ (15 जुलाई) कए पहिल खेप नालंदा स मुंबई लेल विदा कैल गेल।
नालंदा आर्गेनिक फेडरेशन क अध्यक्ष राकेश कुमार कहला जे समझौता क मुताबिक प्रथम चरण मे नालंदा क जैविक लहसुन आ जैविक आलू मुम्बई पठाउल जा रहल अछि। तरकारी कोनो प्रकार स खराब नहि हुए ताहि लेल एकरा पठेबा लेल वातानुकूलित वाहन क प्रयोग कैल जा रहल अछि। ओ कहला जे पिछला अप्रैल मास मे आलू क नमूना मुंबई पठाउल गेल छल आ हुनका सब कए आलू नीक लागल। एकर बाद कम्पनी क एकटा दल नालंदा आयल आ अनुबंध केलक। ओ कहला जे आर्गेनिक गार्डन कम्पनी 500 टन जैविक आलू नालंदा स कीन रहल अछि।
कुमार क कहब अछि जे नालंदा क जैविक तरकारी क मांग देश क करीब-करीब सब क्षेत्र मे अछि। एहि स तरकारी उत्पादक कए सेहो मुनाफा भ रहल अछि। ओ कहला जे सबस पैघ गप इ जे कृषक कए अपन उत्पाद बेचबा लेल बाजार तकबाक आवश्यकता नहि अछि, जखन कि हुनकर उत्पाद घर बैसल नीक दाम पर बिका रहल अछि।
उल्लेखनीय अछि जे मुख्यमंत्री नीतीश कुमार क गृह जिला नालंदा क देशपुरवा क किसान जैविक तरीका स कैल गेल खेती क माध्यम स एहि वर्ष प्रति हेक्टेयर 729 क्विंटल आलू क उत्पादन केलक अछि। वैज्ञानिक क कहब अछि जे उपलब्ध आंकडा क मुताबिक एतबा उत्पादन कतहु संभव नहि भ सकल अछि। फसल जांच सांख्यिकी विभाग द्वारा निर्धारित मापदंड क अनुसार 10.05 मीटर क्षेत्रफल स निकालल गेल आलू क वजन 364.5 किलोग्राम पाउल गेल छल। गौरतलब अछि जे किसान आलू क खेत मे गोबर क खाद, वर्मी कम्पोस्ट, वॉम स्टार सहित कईटा चीज क प्रयोग कैल गेल आओर नीक उत्पादन हासिल भेल।
नालंदा मे राज्य जैविक सब्जी प्रोत्साहन कार्यक्रम क तहत 2500 हेक्टेयर मे किसान कए जैविक उत्पाद क्रय करबाक लाभ देल जा रहल अछि। बिहार विधानसभा मे मुख्यमंत्री सेहो नालंदा क किसान कए आलू उत्पादन मे रिकार्ड बनेबा लेल बधाई देने छलाह। एखन धरि इ रिकार्ड हॉलैंड लग छल जतए प्रति हेक्टेयर 535 क्विंटल आलू क उत्पादन भेल छल।

maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page

2 COMMENTS

  1. मुंबई लेल विदा भेल नालन्दाक तरकारी — उपयुक्त शिर्षक ।

Comments are closed.