मार्च में होएत जल नीति कए घोषणा

पटना । राज्य में अगिला साल पेय जल आ स्वच्छता नीति कए घोषणा कएल जाएत। एहि गपक जानकारी लोक स्वास्थ्य आ अभियंत्रण मंत्री अश्विनी कुमार चौबे देलथि। ओ कहलथि जे अगिला साल मार्च मे विश्व जल दिवस क अवसर पर 22 मार्च कए एकर घोषणा कएल जाएत। एहि नीति मे पेयजल कए प्रमुखता देल गेल अछि। मंत्री कहलथि जे सरकार एहि नीति पर काज करबाक लेल गंभीर अछि आ एकरा लेल कोनो ढील नहि देल जाएत। मंत्री कहलथि जे सरकार दोहरी जल आपूर्ति प्रणाली पर सेहो काज करि रहल अछि।

नीक वा अधलाह - ज़रूर कहू जे मोन होय

comments