मधुबनी मे खुलत बिहार क पहिल निजी विश्‍वविद्यालय

भवनाथ-वेदमती चौधरी कॉलेज ऑफ एजुकेशन स होएत शुरुआत

पटना । बिहार क पहिल निजी विश्‍वविद्यालय मधुबनी मे खुलत। एहि संभावना कए बिहार क राज्‍यपाल डीवाई पाटिल पुष्‍ट क देलथि अछि। राज्‍य सरकार राज्‍य मे निजी विश्‍वविद्यालय खोलबा संबंधी विधेयक कए पास क देलक अछि। विधेयक राजभवन मे मंजूरी लेल गेल अछि। सरकारक एहि फैसलाक बाद इ चर्च क विषय छल जे राज्‍यक पहिल निजी विश्‍वविद्यालय कोन ठाम खुलत। एहन मे राज्‍यपालक इशारा स साफ भ गेल जे बसैठ चानपुरा निवासी संत कुमार चौधरी ओ पहिल व्‍यक्ति हेताह जे बिहार मे निजी विश्‍वविद्यालय खोलताह। राजस्‍थान में सक्रिय शंकर ग्रुप आफ एजुकेशन बहुत दिन स मिथिला मे निवेशक प्रयास क रहल छल। प्राइवेट यूनिवर्सिटी कए मंजूरी भेटलाक बाद शंकर ग्रुप मधुबनी मे विश्‍वविद्यालय स्‍थापित करबा लेल गंभीर प्रयास शुरू केलक। मधुबनी ओकर शुरू स प्रिय जगह रहल अछि। कारण साफ अछि जे शंकर ग्रुप क संस्‍थापक संत कुमार चौधरी मधुबनी क बसैठ चानपुरा क रहनिहार छथि। योग गुरु धरेंद्र ब्रहमचारी क गाम बसैठ चानपुरा एक बेर फेर एहि कारण स चर्चा मे आबि गेल अछि। श्री चौधरी जयपुर आ ओकर आसपास कईटा इंजीनियरिंग आ मैनेजमेंट कालेज क स्‍थापना केने छथि, मुदा मधुबनी मे विश्‍वविद्यालय खोलब हुनक सपना अछि। श्री चौधरी कए पिछला साल राष्‍ट्रपति प्रणब मुखर्जी शिक्षा क क्षेत्र मे योगदान लेल दिनकर पुरस्‍कार स सम्‍मानित केने छलाह। ज्ञात हो जे संत कुमार चौधरी मधुबनी मे विश्‍वविद्यालय स पूर्व भवनाथ-वेदमती चौधरी कॉलेज ऑफ एजुकेशन खोलबाक काज शुरू क चुकल छथि पूर्व राष्ट्रपति प्रतिभा देवी सिंह पाटिल राष्ट्रपति भवन क दरबार हॉल मे मधुबनी स्थित भवनाथ-वेदमती चौधरी कॉलेज ऑफ एजुकेशन क सांकेतिक शिलान्यास केने छलीह। महामहिम एकर संगहि चानपुरा (मधुबनी) स्थित कृषि विज्ञान केन्द्र क नव निर्मित प्रशासनिक आ प्रशिक्षण भवन क सेहो सांकेतिक उदघाटन केने छलीह। एहि अवसर पर स्व. भवनाथ चौधरी क प्रतिमाक अनावरण सेहो महामहिम राष्ट्रपति क हाथ स भेल छल। एसके चौधरी शिक्षा न्यास क अध्यक्ष संत कुमार चौधरी क कहब अछि जे अहाँ सभहक सहयोग स न्यास दिनोदिन शिक्षा क क्षेत्र मे प्रगति क रहल अछि। चौधरी जानकारी दैत कहला जे ट्रस्ट दिस स देश क विभिन्न हिस्सा मे 47टा शिक्षण संस्था कार्यरत अछि। एहि मे इंजीनियरिंग, प्रबंधन आ सामान्य शैक्षणिक संस्थान शामिल अछि। जल्द एकर संख्या सौ पार भ जाएत। शंकरा ग्रुप आफ एजुकेशनक चेयरमैन कहला जे बिहार मे बीएड शिक्षक लेल कालेजक अभाव कए देखैत भवनाथ वेदमती चैधरी बीएड कालेज कए एहि सत्र स शुरू करबाक लेल तेज गति स काज कैल जा रहल अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa

 

नीक वा अधलाह - ज़रूर कहू जे मोन होय

comments

5 टिप्पणी

  1. Sri Sant Choudhary jee ke bahut bahut dhanyabad. Mithilak vikas takhne hoyat jakhan maithil khud aagu etah, Kihak te mithila suru se upekshak ke shikar rahi chukal achhi.

  2. Bahut neek, swaagat yogya samaad.

    Aashaa achhi je ehi thaamak dhiyaa – putaa ken bhavishya me aan state jaa ka appan baap – daadaa ker mehnatak kamaai phenki ka shiksha ker bheekh nai maanga partaik.

Comments are closed.