भारत-नेपाल सीमा पर बनत नवका सड़क

पटना । गृह मंत्रालय क योजना क तहत भारत-नेपाल सीमा पर जे सड़क बनाउल जेबाक अछि ओ सशस्त्र सीमा बल (एसएसबी) द्वारा तय एलायनमेंट पर बनत। पथ निर्माण विभाग क देखरेख मे बनि रहल इ सडक क लेल राशि गृह मंत्रालय द्वारा उपलब्ध कराउल जा रहल अछि, मुदा सड़क क लेल जमीन अधिग्रहण पर जे राशि खर्च हेबाक अछि ओ राज्य सरकार खर्च करत। गृह मंत्रालय क एहि योजना क तहत बिहार-नेपाल सीमा पर 570 किमी सड़क बनत। आरंभिक आकलन क हिसाब स एक किमी सड़क निर्माण पर 3.10 करोड़ टका खर्च कैल जाएत। भारत-नेपाल सीमा पर सड़क बनेबा लेल जे गृह मंत्रालय क प्रस्ताव अछि ओकर अनुसार स सड़क पक्का बनत, मुदा इ दू लेन क होएत। निर्माण कार्य क मानिटरिंग पथ निर्माण विभाग करत। वर्तमान मे एहि सड़क क निर्माण क लेल विस्तृत परियोजना रिपोर्ट तैयार कैल गेल अछि। एहि बाबत पथ निर्माण विभाग हर हफ्ता इंजीनियर क संग समीक्षा बैठक करि रहल अछि। विस्तृत परियोजना रिपोर्ट तैयार करबाक जिम्मा बिहार राज्य पथ विकास निगम लिमिटेड कए देल गेल अछि। पथ निर्माण विभाग क सचिव प्रत्यय अमृत अभियंता कए हिदायत देलथि अछि जे इ परियोजनाक राज्य लेल विशेष महत्व अछि एहि लेल एकरा समय स आ सही तरीका स पूरा कैल जाए। पूर्व मे एहि सड़क क एलायनमेंट पर गृह मंत्रालय, एसएसबी आ पथ निर्माण विभाग क अधिकारी क एक बैठक सेहो भ चुकल अछि। बैठक मे तय भेल छल जे नव एलायनमेंट पर इ सड़क बनाउल जाए, एकरा लेल फारेस्ट क्लियरेंस आ वाइल्ड लाइफ क्लियरेंस क लेल सेहो राज्य सरकार कए काज करबाक अछि। ओना एकरा लेल एसएसबी क सबटा कमांडेंट कए सहयोग क लेल कहल गेल अछि।

नीक वा अधलाह - ज़रूर कहू जे मोन होय

comments