भागलपुर मे यार्न बैंक खुलबाक मंजूरी भेटल

0
20
esamaad maithili newspaper

भागलपुर। तंगहाली मे जी रहल बुनकर लेल आशा क किरण देखा रहल अछि। भागलपुर क पंखाटोली मे यार्न बैंक खुलबाक सुर सार शुरू भ चुकल अछि। भागलपुर क्षेत्रीय हस्तकरघा बुनकर सहयोग संघ यार्न बैंक क संचालन करत। एहि बैंक क संबंध मे एनएचडीसी (नेशनल हैंडलूम डेवलपमेंट कॉरपोरेशन) क मुख्य प्रबंधक ईश्वर बी. पाटिल कहला जे यार्न बैंक खोलबा लेल मंजूरी भेट गेल अछि। एहि ठाम स बुनकर कए ओहि दाम पर धागा उपलब्ध भ सकत जाहि दाम पर पैघ पैघ मिल सब कए भेटैत अछि। कलस्टर स जुडि कए बुनकर राशि ले कए धागा नीक सकैत छथि आ ऑल इंडिया वीवर्स सोसाइटी स जुडि कए अपन उत्पाद क मार्केटिंग सेहो करि सकैत छथि। एहि स बुनकर क बेरोजगारी सेहो दूर होएत। श्री पाटिल क्षेत्रीय हस्तकरघा बुनकर सहयोग संघ क बैसार मे भाग लेबा लेल लखनऊ स भागलपुर आएल छलाह। ओ स्वीकार केला जे भागलपुर क बुनकर काफी दयनीय स्थिति मे छथि। ऋण लेबा लेल आ उत्पाद लेल बाजार ताकब हिनका सब लेल कठिन भ चुकल अछि। श्री पाटिल कहला जे बुनकर कोनो कलस्टर स जुडि कए काज कए सकैत छथि आ एकर बदला मे हुनका एक स पांच लाख टका तक भेटत। बुनकर दिल्ली स्थित ऑल इंडिया वीवर्स सोसाइटी स जुडि कए अपन उत्पाद बेच सकैत छथि। बुनकर कए सस्ते दर पर धागा आ काज करबा लेल टका भेटत। संगहि हुनका उत्पाद बेचबा लेल बेहतर बाजार उपलब्ध होएत। हुनका काज भेटबा मे सेहो कोनो दिक्‍कत नहि रहत।

Please Enter Your Facebook App ID. Required for FB Comments. Click here for FB Comments Settings page