भागलपुर मे मेगा फूड पार्क क शिलान्यास फरबरी मे

सात सौ करोड़ क एहि परियोजना स भेटत 25 हजार लोक कए रोजगार

भागलपुर : आखिरकार कोशिश रंग देखा देलक। भागलपुर मे मेगा फूड पार्क क स्थापना पर मंडरा रहल संकट लगभग खत्‍म भ गेल। फरवरी क अंत तक मेगा फूड पार्क क शिलान्यास भ जाएत। ज्ञात हुए जे चारि चाल पूर्व स्‍वीकार भेल एहि फूड पार्क क स्थापना लेल बियाडा या बिहार सरकार त जमीन नहि द सकल मुदा एकर स्थापना मे लागल प्रमोटर जमीन क व्यवस्था कए लेलथि अछि। एकरा लेल कहलगांव अनुमंडल मे एकचारी स्टेशन लग 100 एकड़ जमीन चिह्नित कैल गेल अछि। किसान स सहमति सेहो भेट गेल अछि। किसान क एकटा समूह क गप सेहो पार्क क मुख्य प्रमोटर स भ चुकल अछि। एकर बाद एहि काज मे तेजी आउत। पार्क क प्रमोटर सह शक्ति सुधा क चेयरमैन सत्यजीत सिंह कहला जे चिह्नित जमीन क रजिस्ट्री 31 जनवरी तक केवेंटर कंपनी क नाम स भ जाएत। केवेंटर समूह क चेयरमैन महेंद्र कुमार जालान कहला जे रजिस्ट्री भेलाक बाद यथाशीघ्र जमीन क घेराबंदी सेहो कर लेल जाएत। जालान जमीन दियेबा लेल प्रमंडलीय आयुक्त मिन्हाज आलम आ बिहार सरकार क योगदान क सेहो सराहना केलथि। गौरतलब अछि जे केंद्र क टीम प्रमोटर सब कए मौखिक रूप स निजी जमीन क खरीद लेल तैयार रहबा लेल कहने छल। फिलहाल कीनल जा रहल जमीन क खरीद मे प्रमोटर सब कए दस करोड़ टका खर्च भ रहल अछि। जखनकि कहलगांव क बियाडा मे जमीन दियेबा लेल प्रमोटर सब कए पांच करोड़ टका एखनो फंसल अछि। एकर वसूली बाद मे कैल जाएत। पार्क क स्थापना मे पांच स्टेक होल्डर छथि। उपरोक्त दूटा क अलावा बिग बाजार आ फ्यूचर समूह क किशोर बियानी आ दक्षिण भारत क दूटा छोट उद्यमी सेहो शामिल छथि। पार्क क स्थापना मे प्रारंभिक पहल स ल कए एखन धरि स्थानीय सांसद शाहनवाज हुसैन क योगदान उल्‍लेखनीय अछि। ओ केंद्रीय कृषि मंत्री शरद पवार स एहि संबंध मे कई दौर क बैसार क परियोजना न केवल पास करौलथि बल्कि जखन जखन एकर भागलपुर स आन ठाम जेबाक गप भेल ओ एकरा रोकबाक काज केलथि। टर्नओवर केतबा, रोजगार केतबा प्रोजेक्ट लगबा स एक वर्ष मे छह स सात हजार करोड़ क टर्नओवर क लक्ष्य अछि। प्रोजेक्ट क स्थापना मे एक हजार करोड़ क निवेश हेबाक अछि। प्रोजेक्ट चालू भेला पर प्रत्यक्ष आ अप्रत्यक्ष ढंग स डेढ़-दू लाख लोक कए रोजगार भेटत।

की की बनत

चिप्स, टोमैटो सॉस, फ्रूटी पेय, बिस्कुट, ग्लूकोज, केला, चावल, मखाना, बार्ली, टोमैटो चेरी, आंवला, आटा, स्टार्च क निर्माण होएत।

प्रोजेक्ट मे के के छथि सहयोगी

भारत सरकार स इ प्रोजेक्ट केवेंटर एग्रो लिमिटेड, कोलकाता क नाम स भेटल अछि। मेगा फूड प्रोजेक्ट कए केवेंटर एग्रो लिमिटेड, कोलकाता क चेयरमैन एमके जालान भागलपुर मे अनलथि अछि। हुनक संग दूटा आओर सहयोगी छथि। शक्ति सुधा क एमडी सत्यजीत सिंह आ बिग बाजार क चेयरमैन किशोर बियानी।

की अछि परियोजना

कुल 80 एकड़ जमीन क जरूरत अछि। 40 एकड़ मे इ सब अपन यूनिट लगेताह। शेष 40 एकड़ भूमि मे छोट-छोट उद्यमी कए आधारभूत संरचना तैयार क देबाक छल। स्थानीय आ छोट उद्यमी सब कए प्रशिक्षण सेहो मूल निवेशक कए देबाक अछि। 15टा कंपनी एहि ठाम केवल कच्चा माल तैयार करत जे पैघ उत्पाद मे सहायक बनत। एहि ठाम कई तरह क पाउडर तैयार करबाक योजना अछि। जेकर प्रयोग पैघ उत्पाद मे कैल जाइत अछि। एहन उत्पाद एखन केवल देश क मध्य-पूर्व क्षेत्र, गुजरात, राजस्थान मे तैयार भ रहल अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments