ब्रिटानिया मुजफ्फरपुर मे स्थापित करत एक्सपोर्ट पार्क

पटना। ब्रिटेनिया बिहार पहुंच गेल अछि। कंपनी 55 करोड़ क लागत स मुजफ्फरपुर मे एक्सपोर्ट प्रोमोशन इन्सेंटिव पार्क(ईपीआईपी) लगा रहल अछि। कंपनी कए एकरा लेल 10.56 एकड़ जमीन उपलब्ध करा देल गेल अछि। एकर अलावा सेहो कईटा कंपनी क निवेश क काज तेज भ गेल अछि जाहि स एहि एक स डेढ़ साल मे उत्पादन आरंभ करि देल जाएत।
जानकारीक अनुसार ब्रिटानिया हाजीपुर लग 10.56 एकड़ भूमि लेलक अछि। एहि ठाम कंपनी क योजना 55 करोड़ टका निवेश करबाक अछि। कहलगांव मे सेंचुरी सीमेंट सेहो 50 एकड़ भूमि लेलक अछि। एकर अलावा, एहि इलाका मे अमृत सीमेंट आ ग्रीन वैली सीमेंट सेहो सरकार स 30-30 एकड़ जमीन कीनलक अछि। एहि सीमेंट कंपनी मे स ककरो योजना 100 करोड़ स कम क नहि अछि। दरअसल, कहलगांव मे एनटीपीसी क बिजली संयंत्र हेबा स सीमेंट कंपनी कए फ्लाई ऐश आसानी स भेट जाएत। एकर अलावा, बिहिया मे रामको ग्रुप 20 एकड़ क जमीन पर 80 करोड़ टका निवेश करबाक फैसला लेलक अछि।
उद्योग विभाग क प्रधान सचिव रामेश्वर सिंह क संग पत्रकार स गप करैत बियाडा क प्रबंध निदेशक अंशुली आर्या कहलथि जे एनटीपीसी क ‘फ्लाई ऐशÓ स सीमेंट बनेबा लेल सेंचुरी सीमेंट, अमृत सीमेंट आ ग्रीन वैली सीमेंट कए 30-50 एकड़ जमीन देल गेल अछि। एहि स करीब 400 करोड़ क निवेश भेल अछि। गिद्धा मे निधि, बिहिया मे रैमको जइसन कंपनी एस्बेस्टस शीट बनेबाक इकाई लगा रहल अछि। फारबिसगंज मे ऑस्ट्रेलिया स्थित एकटा एनआरआई मोती बाबू इंस्टीच्यूट ऑफ टेक्नोलोजी बना रहल छथि। छोटे उद्योग पर सेहो ध्यान अछि। ‘राइस क्लस्टरÓ बनाकए बेरोजगार युवक कए रोजगार देबाक प्रयास भ रहल अछि। एकरा लेल प्रत्येक कए 10,200 वर्ग फीट जमीन बिहिया आ बेतिया मे देल जा रहल अछि। बेतिया मे त 15टा युवक क बीच आवंटन करि देल गेल अछि। ओ कहलथि जे लैंड-बैंक क माध्यम स निवेशक कए कहलगांव मे 686 एकड़ आ बिहटा मे 669 एकड़ जमीन मुहैया करौल गेल अछि। निवेशक क सुविधा क जिक्र करैत प्रधान सचिव रामेश्वर सिंह कहला जे फूड प्रोसेसिंग क इकाई लगौनिहार मे स तीनटा कए अनुदान क पहिल किस्त देल गेल अछि। एहि सप्ताह तीनटा आओर आ अगिला दू माह मे बाकी सब कए पहिल किस्त द देल जाएत। अनुदान क रूप मे कुल 102.04 करोड़ क राशि वितरित कैल जाएत।

नीक वा अधलाह - ज़रूर कहू जे मोन होय

comments