बॉलिवुड क पहिल चाह अछि मैथिलक हाथ स बनल जूता

Jameel-Shahदरभंगाक जमील देशक असगर एहन शू मेकर छथि जे डांसिंग शूज बनबैत छथि
मुंबई : दरभंगा स आठवीं क्लास क पढ़ाई बीच मे छोड़िकए मुंबई गेल जमील शाह सपना मे नहि सोचने छलाहजे एक दिन हुनकर बनाउल जूता बॉलिवुड क सितारा क पहिल पसंद बनि जाएत। मुंबई क धारावी मे वर्कशॉप चलेनिहार जमील शाह क डिजाइन कैल जूता अजय देवगन स ल कए रितिक रोशन तक तमाम बॉलिवुड क सितारा क पैर मे नजरि आबि रहल अछि। आइ हुनकर बनाउल जूती काइली मिनॉग स ल कए कटरीना कैफ तक तकैत छथि। जमील क दावा अछि जे ओ देशक असगर एहन शू मेकर छथि जे डांसिंग शूज बनबैत छथि। आइ हुनकर बनाउल डांसिंग शूज काजोल, प्रियंका चोपड़ा, ऐश्वर्या राय, अमीषा पटेल, बारबरा मोरी, रितिक रोशन, रणबीर कपूर आ अजय देवगन सन कलाकार पहिर रहल छथि। ओतहि ‘झलक दिखला जा’ आ ‘नच बलिए’ सन डांस रिऐलिटी शो मे सेहो एहि मैथिलक बनाउल जूता सप्लाई होइत अछि।
करीब 30 साल क बैस मे एकटा मुकाम हासिल क चुक ल जमील 1999 क आसपास मुंबई आबि गेल छलाह। ओ कहला-हम मुंबई आबि कए एकटा लेदर फैक्ट्री मे काज शुरू केलहुं। तखन हमर दिमाग मे डांसिंग शूज बनेबाक कोनो विचार नहि छल। मुदा बाद मे ओहि लेदर फैक्ट्री क अनुभव हमरा काज देलक। ओहि अनुभव क कारण आइ हम नीक डांसिंग शूज डिजाइन क पाबि रहल छी।
पहिने लोग कहैत छलथि जे विदेश जा रहल छी त डांसिंग शूज लेने आयब मुदा आब उलटा भ रहल अछि विदेश स लोग हमर डांसिंग शूज लेबा लेल आबि रहल अछि।
जमील कए डांसिंग शूज क एक्सपर्ट हेबाक क पाछु सबस पैघ कारण ओकर नीक डांसर होएयब अछि। ओ डांसर्स क जरूरत कए बुझैत अछि आ तखन डांसिंग शूज तैयार करैत अछि। जमील कहैत छथि जे हुनका डांस क शौक त दरभंगा स छल। मुंबई एला पर सिलेब्रिटी कोरियॉग्राफर संदीप सोपारकर हुनका डांस मे एक्सपर्ट बना देलथि। हुनके पैर पर पहिल बेर ओ डांसिंग शूज देखलथि, जे विदेश स आयात कैल गेल छल। ओ कहला जे जूता देखला स लागल जे हम ओकरा बना सकैत छी। बस फेर की छल हम पहिने डांसिंग शूज तैयार कदेलहुं। पहिल जूता हम अपन डांसिंग शूट अपन गुरु संदीप सोपारकर कए पहिरा कए चेक केलहुं। एकर बाद हमर जूता हिट भ गेल।
बाजार मे जमील क जूता 50 हजार तक मे बेचल जाइत अछि मुदा जमील क अपन रेट केवल 2 स 3 हजार टका अछि। ओ कहैत छथि जे किछु सिलेब्रिटीज डायरेक्ट जूता लेल हमरा स संपर्क करैत छथि। त किछु लेल डिजाइनर अप्रोच करैत अछि। ओ कहला जे हुनका सबस खुशी ओहि दिन भेल जहिया हुनकर बनाउल जूता बारबरा मोरी कीनबा लेल एलथि।
आइ बिहारक जमील स आइ दरभंगा तक परिचित नहि अछि मुदा बॉलिवुड क सितारा लेल इ नाम नुकायल नहि अछि। जे सिलेब्रिटी एहि हिनक जूता पहिर लैत छथि हुनकर माथ पर एहि हाथ क जादू माथ चढ़िकए बचैत अछि। आइ जमील स आग्रह कैल जाइत अछि जे डेली यूज लेल डांसिंग शूज मे नॉर्मल सोल लगाकए द देल जाए। खासक अजय देवगन रुटीन लाइफ मे सेहो जमील क बनाउल जूता पहिरैत छथि।
साभार: नभाटा

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments