बिहार संग एहन उपेक्षा कहिया तक : मोदी

1
2
esamaad maithili newspaper

“2009-10 क अवधि मे दिल्ली आ चंडीगढ़ कए 32,400 करोड़ टका क कृषि ऋण देल गेल, जखकि एहि अवधि मे बिहार, उत्तर प्रदेश, पश्चिम बंगाल आ झारखंड कए मिला कए 31 हजार करोड़ क ऋण देल गेल।”

पटना। उपमुख्यमंत्री सुशील कुमार मोदी एक बेर फेर केंद्र पर निशाना साधलथि अछि। ओ आरोप लगेलाह अछि जे कृषि ऋण देबा मे बिहार सन कृषि प्रधान राज्‍य संग केंद्र द्वारा भेदभाव क रहल अछि। उपमुख्यमंत्री कहला अछि जे दिल्ली आ चंडीगढ़ सन क्षेत्र मे किसान क आबादी बहुत कम अछि आ कृषि उत्पादन मे योगदान नगण्य अछि मुदा हुनका कृषि ऋण बिहार क किसान स बेसी भेट रहल अछि, जखनकि बिहार क घोर उपेक्षा कैल जा रहल अछि। भारत सरकार कए दोषी बैंक सब पर कार्रवाई करबाक चाही, किया त कृषि ऋण क दोसर मद मे उपयोग भ रहल अछि।
मोदी कहला जे राष्ट्रीय कृषि आ ग्रामीण विकास बैंक (नाबार्ड) क आंकडा क अनुसार 2009-10 क अवधि मे दिल्ली आ चंडीगढ़ कए 32,400 करोड़ टका क कृषि ऋण देल गेल, जखकि एहि अवधि मे बिहार, उत्तर प्रदेश, पश्चिम बंगाल आ झारखंड कए मिला कए 31 हजार करोड़ क ऋण देल गेल। इ कृषि प्रधान राज्‍य संग घोर मजाक अछि।
उपमुख्यमंत्री आरोप लगेलाह जे बिहार मे कृषि ऋण कए चुकेबाक दर सेहो अन्‍य राज्‍य स बेसी अछि,मुदा बैंक द्वारा तरजीह नहि देल जा रहल अछि आ लगातार पक्षपात कैल जा रहल अछि। दिल्ली मे ग्रामीण आ कृषि प्रधान आबादी 4.19 लाख आ चंडीगढ़ मे 29 हजार अछि, जखनकि बिहार मे नौ करोड़ स बेसी लोक ग्रामीण क्षेत्र मे रहैत छथि।
ओ कहला जे दिल्ली आ चंडीगढ मे सस्‍ता ब्याज दर पर कृषि ऋण प्राप्त क लोक ओकरा बैंक मे जमा क द रहल छथि। इ सस्‍ता कृषि ऋण क दुरुपयोग अछि। मोदी आरोप लगेलाह जे सार्वजनिक वितरण प्रणाली क तहत बिहार क बीपीएल परिवार कए केरोसिन तेल आवंटन मे सहो केंद्र भेदभाव क रहल अछि।
दिल्ली मे बिजली क आपूर्ति काफी अछि जखन कि बिहार मे कम, तखनो राज्य क बीपीएल परिवार कए केरोसिन तेल क आवंटन दिल्‍ली स कम भ रहल अछि। ओ कहला जे प्रति बीपीएल परिवार दिल्ली मे 12.5 लीटर केरोसिन तेल एक मास मे देल जा रहल अछि जखनकि बिहार मे इ मात्र तीन लीटर प्रति मास स कम देल जा रहल अछि।
दिल्ली मे 3.56 लाख बीपीएल परिवार अछि जखनकि बिहार मे एक करोड़ स बेसी एहन परिवार रहैत अछि। उपमुख्यमंत्री कहला जे एहि सबटा मसला कए उचित मंच पर उठाउल जाएत। सांसद सब स सेहो एहि मसला पर विचार विमर्श होएत।

maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page

1 COMMENT

  1. 2009-10k baat sushil modike 2012 me malum padlainhi?
    NDAk Bihari sansad kiyak Dillime chahthi. O IPL par anashan kartah mudaa ehen gap pata seho nahi chalalanhi?
    Takhan vikas kona hoyat?

Comments are closed.