बिहार विवि कए 13.72 करोड़

0
8
esamaad maithili newspaper

मुजफ्फरपुर : विश्वविद्यालय अनुदान आयोग क कृपा कही बा बिहार विवि क पदाधिकारी क लाइजनिंग क असर, मुदा एतबा जरूर जे बहुत दिन क बाद बिहार विवि क विकास लेल एतबा पैघ रकम भेटल अछि। यूजीसी 12वीं पंचवर्षीय योजना क प्रथम चरण मे 13.72 करोड़ टका आवंटित केलक अछि। एहि राशि स पीजी विभाग आ केंद्रीय पुस्तकालय मे पुस्तक , उपकरण क खरीद क संगहि विवि भवन आ छात्रावास क जीर्णोद्धार कैल जाएत। स्वास्थ्य केंद्र क सेहत सेहो ठीक कैल जाएत। कुलपति डॉ. रवि वर्मा आ विकास अधिकारी डॉ. विपिन कुमार राय राशि अनबा लेल काफी दिन स लागल छलाह। गत पंचवर्षीय योजना क अंतिम किस्त क राशि आ वर्तमान योजना क प्रथम किस्त क राशि खर्च नहि भ सकल छल। ताहि कारण स वित्तीय वर्ष क समाप्ति क बाद दूनू किस्त क करीब 3 करोड़ स बेसी राशि लैप्स भ गेल। पदभार ग्रहण केलाक बाद कुलपति राशि क वापसी क जोर आजमाइस क रहल छलाह। गत योजना क राशि त नहि भेटल मुदा , प्रथम किस्त क 1.83 करोड़ जोड़िकए करीब 14 करोड़ टका भेट गेल। यूजीसी एहि आशय क पत्र विवि कए पठा देलक अछि। शीघ्र इ राशि विवि क खजाना मे आबि जाएत।
ओना राशि देबाक संगहि पत्र मे यूजीसी चेयरमैन आगाह केलथि अछि जे विवि क जल्द स जल्द नैक स मूल्यांकन हेबाक चाही। अन्यथा भविष्य मे अनुदान बंद क देल जाएत।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

Please Enter Your Facebook App ID. Required for FB Comments. Click here for FB Comments Settings page