बिहार मे भेल देशक पहिल कृषि कैबिनेट, बनेलक 14टा समिति

पटना । कृषि आ किसान क सर्वागीण विकास क लेल देश मे पहल बेर गठित कृषि संबंधी मंत्रिपरिषदीय समिति क पहिल बैठक मे कृषि क्षेत्र क समस्या आ चुनौति पर करीब पांच घंटा तक गहन मंथन भेल। मुख्यमंत्री नीतीश कुमार 17टा विभाग क मंत्री आ विभागीय प्रधान क उपस्थिति मे राय-मशविरा क बाद विभागीय सचिव क अध्यक्षता मे अलग-अलग 14टा समिति क गठन केलथि अछि। ओ समिति कए डेढ़ माह मे अपन प्रतिवेदन समर्पित करबाक निर्देश देलथि अछि। संवाद कक्ष मे भेल बैठक क बाद कृषि विभाग क प्रधान सचिव अशोक कुमार सिन्हा कहला जे मुख्यमंत्री नीतीश कुमार 2008 मे तैयार कृषि क रोड मैप क तहत बीज उत्पादन क क्षेत्र मे भेल काज कए उल्लेखनीय बतेलाह अछि। रोड मैप क अवधि 2012 मे समाप्त भ रहल अछि। एहन स्थिति मे बैठक मे अगिला रोड मैप पर सेहो विचार कैल गेल। समिति क गठन एहि परिप्रेक्ष्य मे भेल अछि। कृषि कैबिनेट क आगामी बैठक 15 जून कए होएत जाहि मे समिति क प्रतिवेदन पर मंथन होएत। बैठक मे कहल गेल अछि जे उत्पादकता मे वृद्धि मुख्य समस्या अछि। एकरा पंजाब स आगू ल जेबाक अछि। एहि लेल 14टा समिति बनाएल जा रहल अछि। सिन्हा क अनुसार बैठक मे मुख्यमंत्री कहला जे जखन तक कृषि क्षेत्र आ किसान क विकास नहि होएत, बिहार क विकास संभव नहि अछि। मुख्यमंत्री कहला जे द्वितीय हरित क्रांति क शुरुआत बिहार स होएत। ओ बैठक मे निर्देश देलथि जे कृषि क एहन मॉडल तैयार कैल जाए जे केन्द्र नहि बल्कि दुनिया मे अनुसरण करबा योग्‍य हुए। मुख्यमंत्री कए कृषि सलाहकार आ कृषि वैज्ञानिक मंगला राय पावर प्रिजेंटेशन सेहो देलथि। एकर माध्यम स दुनिया मे भ रहल जलवायु परिवर्तन स उत्पन्न खतरा स आगाह केल गेल छल। मुख्यमंत्री समस्या कए समीप स अध्ययन आ ओकर निदान क उपाय पर गहन अध्ययन क दृष्टिकोण स अलग- अलग समिति क गठन क निर्देश देलथि अछि। विभागीय सचिव क अध्यक्षता मे गठित समिति मे विशेषज्ञ कए सेहो आवश्यकतानुसार शामिल करबा लेल कहल गेल अछि। एकर गठन मंत्रिमंडल विभाग द्वारा कैल्‍ जाएत। समिति मे कृषि, पशुपालन, मत्स्य पालन, राजस्व आ भूमि सुधार, लघु जल संसाधन, सहकारिता, ऊर्जा, सड़क सम्पर्क, रिसर्च एजुकेशन आओर आईटी, विपणन प्रसंस्करण, पंचायत, सामाजिक वानिकी क संग इकोलाजी, निवेश आ साख प्रवाह क समिति शामिल अछि।

नीक वा अधलाह - ज़रूर कहू जे मोन होय

comments

1 टिप्पणी

Comments are closed.