बिहारी व्यंजन बनि गेल ब्रांड


पटना। एखन धरि बिहारी व्यंजनक रूप मे मात्र लिट्टी-चोखा मानल जाएत छल, मुदा बिहार दिवसक मौका पर गांधी मैदान मे बिहारक कईटा आओर व्यंजन हंगामा मचौने अछि आ ओ अपन ब्रांड स्थापित करि लेलक अछि। एहि लेल आयोजनकर्ता एहि व्यंजनक दाम सेहो कम रखने छथि। स्टनॅल पर भीड़ खूब अछि। आम तौर पर त्योहार आ खास आयोजन मे बनैवाला बिहारी व्यंजन क स्वाद लेबा लेल दूर-दूर स लोक गांधी मैदान पहुंच रहल अछि। एहि दौरान लोक अपन गाम क गप सेहो खूब करैत रहैत अछि।

मधुबनीक दाल-पूड़ी क संग मखाना क खीर
व्यंजन मेला क सबस पैघ आकर्षण मधुबनीक दालपूड़ी आ मखाना क खीर अछि। दूटा दालपूड़ी एक प्लेट मे उपलब्ध अछि, जखनकि मखाना क खीर अलग स भेट रहल अछि। महंगाईक एहि युग मे इ अहांकजेब पर सेहो भार नहि दैत अछि। दस टका प्लेट भेट रहल दालपूड़ी। एहि स्टॉल पर सबस बेसी भीड़ अछि।

मुजफ्फरपुर क फ्राइ चूड़ा विद ड्राइ मीट
मेला मे मुजफ्फरपुर क फ्राइ चूड़ा और ड्राइ मीट सेहो लोक कए खूब भा रहल अछि। सत्तर टका मे फूल प्लेट आ चालीस टका मे हाफ। फूल प्लेट मे मटन क चारि टा पीस आ हाफ मे दूटा। संग मे चूड़ा। पटना क लोक कए पहिल बेर कोनो मेला मे चूड़ा क संग एहि तरह क मटन क कांबिनेशन परोसल गेल अछि।

समस्तीपुरक गुड़ क जलेबी आ मालपुआ
देसी स्वीट डिश क शौकिन क लेल मेला मे गुड़ क जलेबी आ मालपुआ तक उपलब्ध अछि। गर्मागर्म गुड़ क जलेबी आम तौर पर देहाती क्षेत्र मे भेटैत छल। दस टका प्लेट वाला गुड़ क जलेबी सहज रूप स लोक क आकर्षण मे अछि।

पूर्णिया क दही-बड़ा, जलेबी, चंद्रकला आ लौंगलता
मेला मे दूटा स्टाल दहीबड़े, इमरती, जलेबी, चंद्रकला आ लौंगलता क अछि। आम तौर पर छेना क मिठाई स अलग स्वाद रखैवाला एहि देसी मिठाइ कए मेला मे खूब कद्रदान अछि। दाम मात्र दस टका एक दहीबड़ा क।

बेनीपट्टी क कालाजामुन
बेनीपट्टी क काला जामुन सेहो मेला मे धूम मचौने अछि। एहि ठामक काला जामुन क ख्याति उत्तर बिहार मे खूब अछि।

चंपारण का मटन संग कबाब
मेला मे नानवेज व्यंजन क दू-तीनटा स्टाल अछि। चंपारण क स्टाल पर चूड़ा पुलाव क संग मटन क बिक्री भ रहल अछि। एहि स्टाल पर चंपारण इलाका क सुगंधित चाउर क भात सेहो भेट रहल अछि। एकटा स्टाल कबाव क अछि।

शाहजहांपुर क पकौड़े
पटना जिला क शाहजहांपुर पकौड़े क स्टाल पर सेहो लंबा कतार अछि। एहि ठाम लोकभूंजा क संग गर्म पकौड़े क आनंद ले सकैत अछि।

सुपौल क खाजा आ फुलवारी क ल_ो
मेला मे सुपौल क खाजा, भोजपुर क वेलग्रामी आ फुलवारीशरीफ क ल_ो सेहो अपन ब्रांड कए स्थापित करबा मे सफल रहल अछि। ल_ो क स्टाल पर दालमोट सेहो बिका रहल अछि।

लिट्टी-चोखा क धूम करकरार
एखन धरि बिहारी व्यंजनक नाम पर एकलौता ब्रांड लिट्टी-चोखा क धूम एहि मेला मे सेहो बरकरार अछि। एहि ठाम खास इ अछि जे लिट्टी आम तौर पर एतबा वेरायटी देखबा मे नहि भेटैत अछि। एहि ठाम पनीर भरल लिट्टी सहित कुल नौ प्रकारक लिट्टी उपलब्ध अछि।

सहरसाक बौड़ी-दनौरी क सेहो स्टाल
मेला मे तरह-तरह क व्यंजन संग बौड़ी-दनौरी सेहो भेट रहल अछि। मूंग, चना क बौड़ी क संग-संग अहां तिसऔरी आ दनौरी सेहो कीन सकैत छी।

बाढ़ क लाई आ गोह क चना-भाजी
आम तौर पर बाढ़ क चौंधी पर क खोवा क लाई क स्वाद लोक खूब जानैत अछि, मुदा मेला मे एकरा बेचबाकअंदाज नव अछि। किलो दू किलो कीनबाक नहि अछि त अहां लेल दस टका मे दू लाई प्लेट उपलब्ध अछि। गया-गोह क चना-भाजी व्यंजन मेला मे धूम अछि। गया-गोह क चना भाजी पांच टका प्लेट खूब मजे स मेला परिसर क बाहर सेहो बिका रहल अछि। चाही त एकरा खाइत-खाइत घर कए लौट जाउ।

नीक वा अधलाह - ज़रूर कहू जे मोन होय

comments

3 टिप्पणी

  1. yeh toh bahut achhi baat hai ki ab hamare bihar k bhi dish log try karenge aur bihar ki ek pehchan banegi. kam se kam food k karan hi koi bihar ki tarif kare.

Comments are closed.