बिहारक अशिक्षित महिला कए भेटत टैबलेट

पटना : बिहार सरकार करीब सात हजार करोड़ टका स अशिक्षित महिला सब लेल टैबलेट उपलब्ध कराउत। गरीबी रेखा स नीचा जीवन यापन क रहल तीन करोड़ अशिक्षित महिला आ युवती कए सरकार टैबलेट देत। बिहार क सूचना आ प्रौद्योगिकी मंत्री शाहिद अली खान कहला जे राज्य मे गरीबी रेखा स नीचा जीवन यापन (बीपीएल) क रहल तीन करोड़ अशिक्षित महिला आ युवती कए टैबलेट बांटल जाएत। शाहिद कहला जे एहि स अशिक्षित महिला सबहक बीच शिक्षा क माहौल बनत। एहि योजना पर सात हजार करोड़ टका खर्च होएत। एकरा सबस पहिने प्रदेश क चारिटा ई-जिलों मधुबनी, गया, जहानाबाद आ नवादा मे लागू कैल जाएत। शाहिद कहला जे एहि महिला आ युवती कए वसुधा केंद्र या आंगनबाड़ी केंद्र मे प्रशिक्षण देबाक सेहो व्यवस्था कैल जा रहल अछि। दोसर दिस एहि योजना क आलोचना सेहो शुरू भ गेल अछि। विपक्षक कहब अछि जे सरकार स्कूल मे एखन धरि ब्लैक बोर्ड आ बेंच क व्यवस्था नहीं क सकल अछि आ दोसर दिस सात हजार करोड टका एहन वस्तु पर खर्च क रहल अछि जेकर उपयोगिता बुझब तत्काल कठिन अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments