बिना चालक विदेश चल गेल इंजन

मधुबनी। जयनगर-जनकपुर रेलखंड पर सोमदिन अपराह्न 3.30 बजे पैघ दुर्घटना होइत-होइत बचल। जयनगर सिथत नेपाल रेलवे क स्टेशन स एकटा इंजन बिना ड्राइवर कए विदा भ गेल, जे करीब 27 किलोमीटर क दूरी 25 मिनट मे तय क जनकपुर रेलवे स्टेशन (नेपाल) पहुंच गेल। शुक्र रहल जे इंजन मे डीजल खत्‍म भ गेल आ इंजन पटरीक अंतिम छोर पर ठहरि गेल। एहि दौरान पूरा रेल खंड पर अफरातफरी क माहौल रहल।
जयनगर स्थित नेपाल रेलवे स्टेशन क अधीक्षक खर्ग नारायण चौधरी कहला अछि जे इंजन कए बोगी स जोडाबाक काज चलि रहल छल, तखने ओ स्टार्ट भ विदा भ गेल। तखन ड्राइवर हाथ धोबा लेल इंजन स नीचा उतरल छलाह, एहि बीच कोनो तकनीकी गड़बड़ी क कारण इंजन विदा भ गेल। ओकरा रोकबाक बहुत प्रयास कैल गेल, मुदा सफलता नहि भेटल। घटना कए देखैत रेलखंड पर पूरा सावधानी बरतल गेल।
आखिरकार जनकपुर रेलवे स्टेशन पर पहुंचकए इंजन क डीजल खत्‍म भ गेल आ ओ अपने आप बंद भ गेल। तखन जाकए रेल अधिकारी राहत क सांस लेलथि। चौधरी कहला जे मामला क जांच शुरू भ गेल अछि।

maithili news, mithila news, bihar news, latest bihar news, latest mithila news, latest maithili news, maithili newspaper

नीक वा अधलाह - ज़रूर कहू जे मोन होय

comments

1 टिप्पणी

Comments are closed.