बदलत गाम क तकदीर

0
12
esamaad maithili newspaper

पटना। समेकित कार्य योजना (आईएपी) क तहत 250 स बेसी आबादी वाला प्रत्येक गाम कए जोडबा लेल सड़क क निर्माण स इ उम्मीद लगाउल जा रहल अछि जे इ बिहार क नक्सल ग्रस्‍त ग्रामीण इलाका क तकदीर बदलि देत। राज्य मे नक्सलग्रस्‍त नौटा जिला मे आईएपी क तहत एखन धरि 2,389 योजना मे 1064 योजना पूरी भ चुकल अछि, जाहि मे स 4,499 किलोमीटर सड़क क निर्माण काज पूरा भ गेल अछि। बिहार क ग्रामीण कार्य मंत्री भीम सिंह कहैत छथि जे राज्य सरकार इंटिग्रेटेड एक्शन प्लान क तहत करीब 9,070 किलोमीटर सड़क बनेबा लेल 2,389 योजना प्रस्ताव कए मंजूरी द कए केंद्र लग पठाउल गेल छल। एहि योजना क तहत 250 स 500 क बीच क आबादी क गाम कए जोडबा लेल 3387 करोड़ क योजना कए मंजूरी द देल गेल अछि। नक्सलग्रस्‍त जिला मे एहि योजना क तहत एखन धरि 4,499 किलोमीटर सड़क क निर्माण पूरा भ चुकल छल। केंद्र सरकार 2010 -11 क दौरान समेकित कार्य योजना क शुरुआत केने छल। सिंह कहला जे एहि योजना क अंतर्गत औरंगाबाद, गया, जहांनाबाद, अरवल, जमुई, नवादा, रोहतास, मुंगेर आ कैमूर लेल सड़क निर्माण क 2389 योजना स्वीकृत कैल गेल अछि।

maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page