फेर बिछाउल जाएत औरंगाबाद क कालीन

0
4
esamaad maithili newspaper

औरंगाबाद : बिहार क औरंगाबाद जिला कहियो अपन कालीन लेल प्रख्यात छल। समय बदलल आ औरंगाबाद सेहो बिहारक अन्य शहर जेना अपन पहचान बिसरि गेल। सरकार आ स्थानीय लोक क प्रयास स एकबेर फेर एहि शहर कए ओकर पहचान लौटेबाक प्रयास शुरू भ गेल अछि। सुखद समाद अछि जे कालीन उत्पादन क सरकारी संस्था महफिल-ए-कालीन क आधुनिकीकरण क योजना पर काज शुरू भ चुकल अछि। जिलाधिकारी अभय कुमार सिंह कहला जे महफिल-ए-कालीन मं चारिटा नव पावरलूम लगाउल जा रहल अछि, जाहि स एक बेर फेर एहि ठाम आकर्षक आ टिकाउ कालीन क उत्पादन भ सकत। ओ कहला जे महफिल-ए-कालीन कए उत्तर प्रदेश क भदोही बाजार स सीधा जोड़ि देल गेल अछि जे एखन देश मे कालीन क सबस पैघ बाजार अछि। ओ कहला जे एहि स बुनकर कए कई प्रकार क सुविधा सेहो भेटत। श्री सिंह कहला जे महफिल-ए-कालीन कए बाजार उपलब्ध करेबा लेल आ बुनकर कए हरदम काज उपलब्ध करेबा लेल मुंबई क एकटा निजी कंपनी स समझौता सेहो कैल गेल अछि। इ कंपनी कालीन क आयात -निर्यात लेल प्रख्यात अछि आ कंपनी महफिल-ए-कालीन क उत्पाद स इतिहास मे परिचित रहल अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

Please Enter Your Facebook App ID. Required for FB Comments. Click here for FB Comments Settings page