पावरग्रिड कए बिहार स मोट कमाई क उम्मीद

पटना । बिहार मे बिजली क तेजी स बढै़त मांग कए देखैत सरकारी ट्रांसमिशन कंपनी, पावरग्रिड कॉर्पाेरेशन सेहो अपन नेटवर्क क तेज विकास मे जुटि गेल अछि। बीतल साल मे पावरग्रिड बिहार मे अपन कारोबार दोगुना करबा मे कामयाब रहल अछि। कंपनी क कहब अछि जे ओकरा एहि साल सेहो बिहार स मोट कमाई क उम्मीद अछि।
कंपनी क कार्यकारी निदेशक (बिहार-झारखंड) केके अग्रवाल एकटा अखबार कए देल साक्षत्कार मे कहला, बिहार हमरा लेल सबस तेजी स बढै़त बाजार अछि। हमरा एकरा स काफी उम्मीद अछि आ इ हमर उम्मीद पर खरा सेहो उतरि रहल अछि। एहि कारण स हम बीतल साल मे राज्य मे अपन कारोबार कए दोगुना करि लेलहुं अछि।
ओ कहला जे, हम एखन बिहार आ झारखंड स 3,577 करोड़ क कारोबार करि रहल छी। एकरा अगिला दू साल मे 8,246 करोड़ क स्तर पर ल जेबाक योजना अछि। हम एहि दूनू राज्य मे करीब 5,500 हजार किमी ट्रांसमिशन लाइंस क निर्माण करि लेलहुं अछि। अगिला दू साल मे हम 6,600 किमी ट्रांसमिशन लाइंस क निर्माण करब। एहि तरह स अगिला दू साल मे हमरा लग मे करीब 12 हजार किमी लंबा ट्रांसमिशन लाइंस भ जाएत। संगहि, हम 10टा सब स्टेशन क निर्माण सेहो कए रहल छी। एहि इलाका मे हमरा लग मे एखन 6,649 एमवीए क क्षमता अछि, जेकरा हम अगिला दू साल मे 13,600 एमवीए स बेसी करबाक कवायद मे जुटल छी। मतलब हम अगिला दू साल मे बेसी स बेसी बिजली क ट्रांसमिशन करबा मे कामयाब रहब। ओ कहला जे बिहार सरकार स काफी काज भेटल अछि। राज्य मे हम ट्रांसमिशन लाइंस पर काज कए रहल छी। संगहि हम कईटा सब स्टेशन सेहो बना रहल छी।
राज्य सरकार स भेट रहल मदद क सवाल पर कहला जे बिहार मे हमरा काज करबा मे कोनो प्रकारक दिक्कत नहि आबि रहल अछि। अधिकारी मदद कए रहल छथि आ राज्य मे एकटा नीक कारोबारी माहौल तैयार भ चुकल अछि।

नीक वा अधलाह - ज़रूर कहू जे मोन होय

comments