पांचम डेग – हमर जीवंतता हमर जीत छी

कुमुद सिंह
इ’समाद आइ अपन पांचम डेग पूरा क लेलक। आइ स इ’समाद अपन भोजपुरी संस्‍करण क सेहो यात्रा शुरू क देलक अछि। गुणवत्ताप आ निरंतरता हमरा सब लेल चुनौती छल आ बहुत हद तक अछि, मुदा पिछला पांच साल मे जे आत्मपविश्वातस आयल अछि ओ एहि चुनौती कए सामना करबा लेल बल प्रदान करत। आइ इ’समाद क इ निरंतरता आ जीवंतता हमर सबहक जीत छी। देखल जाए त समाद क इतिहास 2007 स शुरू होइत अछि, जखन मैथिली मे ब्लॉागिंग क बेसी धमक नहि छल। इ मैथिली क ओहि चंद लोकप्रिय ब्लॉ ग्स मे पहिल छल, जे अपन समय आओर समाज क सब मसला पर हस्तकक्षेप करैत रहल अछि। मिथिलाक छह गोट महिला क हाथ स शुरू भेल समाद परिवार स आइ करीब 20टा महिला आ पुरुष जुडल छथि। लंदन आ दुवई सन स्थाकन पर समदिया मौजूद छथि। समाद परिवार पर मेल टूडे स ल कए सीएनबीसी टीवी-18, प्रभात खबर, जागरण आदि एक स बेसी बेर फीचर क चुकल अछि। इ ‘समाद जहिया जन्मब लेलक तहिया मैथिली पत्रकारिता लुप्त भ चुकल छल। किछु पत्रिका कखनो कखनो बाजार मे देखा जाइत छल। अखबार आ टीवी चैनल सेहो सपना छल। एहन मे इ’समाद कए निर्वाध रूप स जारी राखब सबस पैघ चुनौति छल। भगवतीक आशिर्वाद स इ’समाद केवल निर्वाध जारी नहि अछि बल्कि एकर विस्‍तार कायांतरण होइत रहल। 2009 मे विधिवत वेबसाइट क रूप मे इ’समाद (www.esamaad.com) क कायांतरण भेल। तखनो एकर कार्यशैली आ लेखन शैली विमर्श आ गपशप रहल। सबटा समाद क पाछु भगबा क बदले इ’समाद अपन विजिटर कए क्वाआलिटी कंटेंट प्रोवाइड करबा क जरूरत पर जोर देलक आ दुनिया क हर कोन मे कई हजार लोक इ’समाद पर रोज आवाजाही करैत छथि। जाहि कारण स आइ मैथिली क इ सबस लोकप्रिय साइट मे स एक अछि। अहाँक सहयोग भेटल त ई कागजो पर उतरत। पिछला चारि साल मे एहि अखबार मे संसार मे भेल ओ सब तरहक घटनाक जानकारी देबाक प्रयास रहल जाहि स बिहार बा मिथिलाक संबंध छल, मुदा हमरा मे इ गप कहबाक साहस नहि अछि जे एकर सबटा समाद अहाँकए उचिते लागत होएत। हम एकरो गारंटी नहि ल सकैत छी जे हम सबटा सत्य अहाँ तक पहुँचा देलहुं। जहिया जेहेन जरुरत भेल हम अहाँ तक पहुँचैत रहलहुं। कहबाक मतलब ई जे हम कोनो एकटा अंकक जिम्मेदारी एक बेर मे लेल। हमरा जे भेटल अहाँ तक पहुँचा देलहुं, हम बस नेट पर समदियाक काज कैरत रहलहुं, एहि कारण इ पत्रक नाम इ’समाद राखल गेल छल। हम एहि धारणा कए सेहो खंडित करबाक प्रयास कैल जे बिहार मे समाचार मतलब केवल राजनीति नहि थीक। आर्थिक सामाजिक आ वैज्ञानिक बदलाव पर हम लगातार लिखैत रहलहुं अछि। दुनियाक संग हमहूँ विकास मे संग चलबाक केलहुं, शिक्षा आ कृषि क्षेत्र मे हम कोना आगू बढी सकैत छी, तकर रास्ता देखेबाक सेहो प्रयास केलहुं। इ’समादक सफलता मिथिलाक स्त्री आ गौरवशाली परम्परा क सबूत अछि जाहि ठाम वैदेही, भारती आ गार्गी सन महान विभूति जन्म लेने अछि ओतहि किछु घरेलू महिला आइ पेशेवर रूप स गाम-घर क समाद देश-दुनिया तक पहुंचा रहल छथि। नहि त ओ किछु नुकबैत छथि आ नहि त ओ किछु बिसरैत छथि, जे बिहार चाहैत अछि कहब, ओ समाद ओ पहुंचबैत छथि। आइ इ’समाद स लोकक उम्‍मीद बढैत जा रहल अछि। इ’समाद कए निर्वाध रूप स चलब एतबा आसान नहि छल। एकर निर्वाधता हमर हाथ मे जरूर अछि, मुदा एकरा आओर बेहतर केनाई बिना अहांक सहयोग क संभव नहि अछि। चाही बस आशिर्वाद, देखैत रहूं इ’समाद।

maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna, दरभंगा, मिथिला, मिथिला समाचार, मैथिली समाचार, बिहार, मिथिला समाद, इ-समाद, इपेपर
हाजिर बानी हम

नीक वा अधलाह - ज़रूर कहू जे मोन होय

comments

2 टिप्पणी

  1. Dear Kumud Ji,
    Please provide the your email id. so i can send the “Yatra-Vritant” about Mithila Rang Mahotsav, Madhubani held on 01st May 2015 to 03rd May 2015.
    Your Faithfully,
    Maya Nand “Vipul Jha”

Comments are closed.