पटना मे बुकिंग भेलाक बावजूद नहि भ सकल कार क डिलीवरी

पटना। धनतेरस पर कार बाजार खास रफ्तार मे रहल। पटनाक लोक आब खुली कए कार खरीद रहल छथ‍ि। पिछला किछु साल पहिने तक पटनाक लोक कार लेबा स कतरा जाइत छल, मुदा आइ स्थिति इ अछि जे कार लेनिहार बेसी आ शोरूम मे कार कम पडि गेल अछि। पटना मे बुकिंग भेलाक बावजूद धनतेरस दिन लोक कए दरबाजा पर कार नहि लागी सकल। राजधानीक अधिकतर शोरूमक मालिक कार क डिलीवरी देबा मे असमर्थ रहलाह आ छठ तक डिलीवरी करबाक गप कहला अछि। जानकारीक अनुसार बुकिंग करेलाक बावजूद 500 स बेसी गोटे कए कार घर तक नहि पहुंच सकल। मारुति, हुंडई, टाटा मोटर्स, जीएम मोटर्स, फिएट आ महिन्द्रा एंड महिन्द्रा क शोरूम क जरिए केवल पटना मे कुल 2134 गाड़ी क बुकिंग भेल छल। एहि तरह स करीब 92 करोड़ टका क कारोबार भेल। पिछला साल धनतेरस पर 1300 कार क बुकिंग भेल छल। एहि तरह स पिछला साल क मुकाबला मे 834टा कार क लेल बेसी बुकिंग भेल। शहर मे मारुति क तीनटा शोरूम अछि। एहि मे वाउज आटोमाबाइल मे 500, अलंकार मोटर्स मे 170 आ कारलो आटोमाबाइल्स मे 300 कार क बुकिंग भेल छल। मुदा सबकए डिलीवरी नहि भ सकल। वाउज आटोमोबाइल्स क एमडी डाक्टर राकेश प्रसाद सिंह कहला जे 250टा ग्राहक कए ओ कार नहि द सकलाह। कारलो आटोमोबाइल्स क बिक्री प्रबंधक केसी गुप्ता कहला जे आल्टो क मांग सबस बेसी रहल। अलंकार मोटर्स क एमडी विंग कमांडर नरेन्द्र सिंह कहला जे आल्टो क बाद वैगन आर कए खूब समर्थन भेटल। जीएम मोटर्स क डीलर पाण्डेय मोटर्स क जरिए कुल 329 कार क बुकिंग केलक। शोरूम प्रबंधक प्रमोद शर्मा कहला जे स्पार्क, बीट आ तवेरा माडल क जोरदार मांग रहल। मुदा हम केवल 235टा ग्राहक कए डिलीवरी दे सकलहुं। महिन्द्रा क तीनटा शोरूम क जरिए कुल 300 गाड़ी क बुकिंग भेल। एरिया सेल्स मैनेजर दीपक सिन्हा कहला जे किछु ग्राहक कए डिलीवरी नहि द सकलहु। आस्था मोटर्स क जरिए 100, गिन्नी मोटर्स क जरिए 140 आ शंकर मोटर्स (एमयूवी) क जरिए 30 गाड़ी क बुकिंग भेल। आस्था मोटर्स क एसएस कादरी, गिन्नी मोटर्स क एमएन मुर्तजा क मुताबिक इंडिगो पर ग्राहक खास मेहरबान रहलाह। टैरेटेरी मैनेजर प्रशांत क मुताबिक फिएट क लेल कुल 15 बुकिंग भेल। हुंइर्ड कंपनी क दूटा शोरूम क जरिए कुल 250 कार क बुकिंग भेल। क्रिश हुंडई क अमित गुप्ता कहला जे छठ तक शेष ग्राहक कए डिलीवरी द देल जाएत। आशियाना हुंडई क अशोक पटनायक कहला जे हमर शोरूम क जरिए 50टा कार क बुकिंग छल, जाहि मे आई-10 क सर्वाधिक मांग रहल।

नीक वा अधलाह - ज़रूर कहू जे मोन होय

comments