पटना मेट्रो लेल भेल राइट्स स समझौता

पटना : पटना क लोक लेल मेट्रो रेल क सपना शीघ्र साकार होएत। सोमदिन पटना मेट्रो रेल लेल डीपीआर तैयार करबाक काज शुरू भ गेल। एहि काज लेल एमओयू पर हस्ताक्षर कैल गेल। एग्रिमेंट पर हस्ताक्षर राइट्स लिमिटेड के निदेशक (परियोजना) अरविंद कुमार आ राज्य सरकार क नगर विकास विभाग क सचिव केलथि। एहि मौका पर बीयूआईडीसीओ क प्रबंध निदेशक अनुपम सुमन आ नगर विकास विभाग क निदेशक जय सिंह सेहो उपस्थित छलाह। समझौता क बाद उम्मीद कैल जा रहल अछि जे व्यवहायर्ता रिपोर्ट सितंबर तक आ फाइनल डीपीआर दिसंबर तक प्रस्तुत क देल जाएत। व्यवहायर्ता अध्ययन मे पटना सिटी आ दानापुर (लगभग 30 किलोमीटर) कए कवर कैल जाएत। राइट्स लिमिटेड क निदेशक (परियोजना) कहला अछि जे डीपीआर मे पटना मेट्रो रेल लेल विश्वस्तरीय तकनीकी क इस्तेमाल करबाक सलाह देल जाएत।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments