पटना क फ्रेंचाइजी लेबा लेल कोनो कंपनी तैयार नहि

पटना : राजधानी क बिजली आपूर्ति कए फ्रेंचाइजी पर लेबा मे कोनो कंपनी रूचि नहि देखा रहल अछि। बिहार स्टेट पावर होल्डिंग कंपन फ्रेंचाइजी लेल किछु एहन शर्त रखने अछि जाहि कारण स कोनो कंपनी निविदा तक नहि देलक अछि। मजबूरन निविदा क अंतिम तिथि 28 अगस्त स बढ़ा कए 17 सितम्बर क देल गेल अछि।
विद्युत कंपनी पटना क फ्रेंचाइजी एहन कंपनी कए दिय चाहैत अछि जेकरा लग पहिने स एहन काज क अनुभव होई। एखन देश में केवल इलेक्ट्रिक सप्लाई कंपनी, कोलकाता में एनडीपीएल आ नयी दिल्ली में बीएसइएस/ रिलायंस पावर/ टाटा पावर/ जीपीएसपी/ टवरेंट पावर लग फ्रेंचाइजी क अनुभव अछि। एहि बेर एहन कोनो कंवनी निविदा मे भाग नहि लेलक अछि। कंपनी अपन शर्त पर बिजली आपूर्ति लेबा लेल दबाव बना रहल अछि। फिलहाल बिहार क अधिकारी अपन गप पर कायम छथि। देश क मात्र आधा दर्जन कंपनी लग बिजली आपूर्ति संचालित करबाक अनुभव अछि। पटना कए बिजली व्यवस्था कए फ्रेंचाइजी पर देबाक प्रक्रिया वर्ष 2009 स चलि रहल अछि। एकरा लेल एखन धरि चारि बेर प्रक्रिया शुरू भेल। तीन बेर कंपनी तक तय भ गेल, मुदा अंतिम समय मे गप बिगड़ि गेल। एहि बेर त निविदा स आगू गप नहि बढि सकल। एहि साल जनवरी स मुंबई क एस्सार पावर कए पटना क बिजली आपूर्ति व्यवस्था फ्रेंचाइजी पर भेटल छल। एस्सार कंपनी अपन बिजली अनबा लेल सरकार पर दबाव द रहल छल। मतभेद एतबा बढल जे सरकार अपन फैसला घुरा लेलक। एतबे नहि एस्सार क 50 लाख सिक्योरिटी मनी सेहो सरकार जब्त क लेलक। जेकर खिलाफ कंपनी अदालत क दुहारि खटखटा चुकल अछि। इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments