पटना कए भेटल उत्‍तर भारत क सबस सुंदर शहरक तमगा

0
1
esamaad maithili newspaper

नई दिल्‍ली । बिहार क लोक लेल खुश हेबाक एकटा आओर मौका भेट गेल अछि। कहल जाइत छैक जे इतिहास क गप ओहने लोक करैत अछि जेकर वर्तमान कमजोर होइत अछि। निश्चित रूप स पाटलिपुत्र क इतिहास गौरवशाली रहल अछि, मुदा ओकर वर्तमान सेहो आब अपन रंगत मे आबि रहल अछि। अंतरराष्ट्रीय संस्था इंस्टीच्यूट फार कम्पिटिटिवनेस (आइएफसी) अपन ताजा सर्वे मे बिहार क राजधानी पटना कए देश क 50टा सबस बेसी प्रतिस्पर्धा वाला शहर मे शामिल क लेलक अछि। अंक क आधार पर पटना, बिहार- झारखंड मे नहि बल्कि उत्तर भारत क सबस नीक शहर क रूप मे सामने आयल अछि। उद्योग धनी जमशेदपुर आओर झारखंड क राजधानी रांची क अलावा पटना उत्‍तर प्रदेशक बनारस, अगरा, अमृतसर, देहरादून सन शहर कए पाछु छोडि देलक अछि।
अंतरराष्ट्रीय संस्था इंस्टीच्यूट फार कम्पिटिटिवनेस (आइएफसी) क एहि पांचम सालाना रिपोर्ट ओना तेसर बेर एहि सूची मे दिल्ली अपना कए देशक सबस सुंदर आ बेसी प्रतिस्पर्धा वाला शहर क खिताब पैबा मे सफल रहल अछि, मुदा पटना बिहार क एकटा एहन शहर अछि जे एहि सूची मे सबस पैघ छलांग लगेलक अछि। पिछला सप्‍ताह जारी एहि सूची मे पटना 35म स्थान पर अछि, जखनकि जमशेदपुर 43म आ रांची 49म पायदान पर है।
दिल्ली मे आयोजित सिंगापुर बिजनेस फोरम में सिंगापुर क प्रधानमंत्री ली सेन लूंग क उपस्थिति मे पेश भेल एहि रिपोर्ट क अनुसार पटना किछु अन्य मशहूर शहर कए तेजी स पाछु धकेल देलक अछि। एहि मे आगरा, बनारस, मेरठ, इलाहाबाद, जबलपुर, आसनसोल, देहरादून, अमृतसर सन शहर शामिल अछि।
शहर क रैंकिंग लेल हार्वर्ड बिजनेस स्कूल क प्रोफेसर माइकल ई. पोर्टर क माइक्रोइकोनोमिक कम्पिटिटिवनेस डायमंड माडल क उपयोग कैल गेल अछि। मुख्य रूप स मानव संसाधन, भौतिक संसाधन, ज्ञान क संसाधन आ पूंजी क संसाधन क अलावा एकरा सब लेल तैयार कैल गेल आधारभूत संरचना क आधार पर इ सूची बनाउल गेल अछि। दिल्ली क बाद मुंबई दोसर स्थान पर अछि, जखनकि चेन्नई, हैदराबाद, कोलकाता, गुड़गांव आ बेंगलूरू कए क्रमश: तेसर स सातम स्थान भेटल अछि।
आइएफसी क इ रिपोर्ट केवल शहर क रैंकिंग कए इंगित करैत अछि, बल्कि एहि गपक सेहो संकेत अछि जे कारपोरेट क्षेत्र क नजरि एहि शहर पर सब पर अछि। कारपोरेट क्षेत्र एकर आधार पर अपन निवेश क खांका तैयार करैत अछि। रिपोर्ट इ सेहो देखबैत अछि जे कोन प्रकार स एहि शहर सब मे गवर्नेस कए बेहतर कैल जा रहल अछि आ शहर मे एक समान विविधता पर ध्यान देल जा रहल अछि। आइएफसी क चेयरमैन अमित कपूर क कहब अछि जे, ‘शहर अर्थव्यवस्था कए दिशा दैत अछि। ओकर विकास पूरा राज्य क विकास कए गति दैत अछि आ नतीजा क तौर पर पूरा देश मे विकास कए रफ्तार भेटैत अछि। पिछला किछु साल स देश क शहर अपन पुरान ढर्रा स ऊपर उठल अछि आ अपन क्षमता क ग्लोबल स्तर पर प्रदर्शन क रहल अछि।’
maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page