नेट पर उपलब्‍ध होएत परीक्षाक कॉपी

0
1
esamaad maithili newspaper

पटना। मैट्रिक आ इंटरमीडिएट परीक्षा क कॉपी कए जांचलाक बाद बिहार बोर्ड क वेबसाइट पर राखि देल जाएत। चेक कॉपी कए परीक्षार्थी आ अभिभावक देख सकताह। परीक्षार्थी अपन कॉपी कए देखकए इ पता लगा सकैत छथि जे कोन प्रश्न क उत्तर मे हुनका केतबा नंबर प्राप्त भेल अछि। एहि स बिहार बोर्ड कए सूचना क अधिकार क तहत पूछल जा रहल सवाल स छुटकारा भेटत। इ जानकारी बिहार विद्यालय परीक्षा समिति क अध्यक्ष राजमणि प्रसाद सिंह देलथि अछि। ओ कहला जे योजना कए बिहार बोर्ड क एकेडमिक एडवाइजरी कमेटी क मंजूरी भेट चुकल अछि। आब राज्य सरकार स स्वीकृति भेटलाक बाद वर्ष 2014 स एहि योजना कए लागू क देल जाएत। ओ कहला जे 2014 स कॉपी क जांच कम्प्यूटर पर होएत। बोर्ड द्वारा प्रत्येक कॉपी क संग एकटा फारमेट संलग्न कैल जाएत। परीक्षक कए अंक कॉपी क संग संलग्न फारमेट मे प्रदान करबाक होएत। शिक्षक कए एकरा लेल कम्प्यूटर क प्रशिक्षण देल जाएत।

maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page