नीतीश केलथि दरभंगा आ पूर्णिया स हवाई सेवा शुरू करबाक अनुरोध

पटना। मिथिलाक जनप्रतिनिधिक चुप्‍पी क बीच मुख्‍यमंत्री नीतीश कुमार केंद्र स यथाशीघ्र दरभंगा आ पूर्णिया स हवाई सेवा शुरू करबाक मांग केलथि अछि। मुख्‍यमंत्री एहि संबंध मे नागरिक उड्डयन मंत्री अजीत सिंह स गप केलथि अछि। मुख्‍यमंत्री अजीत सिंह स अनुरोध केलथि अछि जे ‘गया मे इंटरनेशनल फ्लाइट क नियमित संचालन कैल जाए, जखन कि पूर्णिया आ दरभंगा स घरेलू उड़ान आरंभ कैल जाए। पटना एयरपोर्ट पर पैघ विमान क आवाजाही पर पाबंदी स जुड़ल भ्रम कए खत्‍म करैत मुख्यमंत्री सवाल केलथि जे जखन बताउल गेल तमाम बाधा दूर क लेल गेल अछि तखन फेर डेटलाइन क की मतलब अछि?’ ध्यान रहए जे 16 अगस्त स पटना एयरपोर्ट पर पैघ विमान पर पाबंदी लगेबाक केंद्र साजिश रचि रहल अछि। एहि पर इ’समाद अपन मुहिम कए तेज करैत पटना क बदला मे दरभंगा आ पूर्णिया मे पैघ विमान उतारबाक प्रस्‍ताव रखने छल। हालांकि मुख्यमंत्री साफ केलथि जे एहि प्रकारक रोक संबंधी कोनो जानकारी राज्य सरकार लग नहि अछि आ दरभंगा आ पूर्णिया मे पटनाक एयरपोर्ट चालू रहबाक बावजूद पैघ विमान उतरत।
मुख्यमंत्री टेलीफोन पर भेल अजीत सिंह स गपक संबंध मे जानकारी दैत कहला जे ओ श्री सिंह स आग्रह केलथि अछि जे हुनका पटना एयरपोर्ट क रनवे लंबा करबा लेल रेल मंत्रालय स सेहो संपर्क करबाक चाही। मुख्यमंत्री कहला जे एहि क्रम मे राज्य सरकार हर सहायता लेल तैयार अछि। सबकए समन्वय स एहि संबंध मे काम होएत। नीतीश कहला जे राज्य सरकार एहि गप पर गंभीर अछि जे पटना एयरपोर्ट स विमान क सुरक्षित परिचालन हुए, लेकिन एहि लेल मरा गाछ क छंटाई पर कोनो एतराज नहि अछि, बस गाछ कटबाक हम मंजूरी नहि देब। किया त एयरपोर्ट आथीरिटी आफ इंडिया (एएआई) अपन पत्र मे साफ कहने अछि जे छंटाई क बाद एहि ठाम सुरक्षित परिचालन भ सकैत अछि। राज्‍य सरकार ओकर दिशा-निर्देश पर गाछ क छंटाई करा देलक अछि। एकर बावजूद अगर एयरपोर्ट आथीरिटी आफ इंडिया (एएआई) परिचालन रोकैत अछि त हम नागरिक उड्डयन मंत्री स अनुरोध केलहुं अछि जे ओ अपन स्तर स एएआई कए निर्णय कए स्थगित करा दथि। किया त जखन सबटा निर्देश कए मानि लेल गेल अछि तखन रोक क कोनो कारण नहि बनैत अछि।

maithili news, mithila news, bihar news, latest bihar news, latest mithila news, latest maithili news, maithili newspaper

नीक वा अधलाह - ज़रूर कहू जे मोन होय

comments

5 टिप्पणी

  1. Gaurav Thakur jee…… pahine ta national chalu hua diyau…. international ta bad me chalu hotai……….

  2. Darbhnaga airport is necessity for us now a days who is residing Darbhanga, Madhubani & Sitmrhi.In urgency we do not have oprion than Patna even we have limited flights for patna.

  3. ई सामाद टीम स आग्रह दुबारा शुसाशन बाबू याद दिलाबी

Comments are closed.