नवयुवा 1789 करोड़ मे बनाउत पटना क गंगा ड्राइव-वे

पटना : लगभग 40 साल पुरान सपना आखिरकार जमीन पर एबा लेल तैयार अछि। शुक्रदिन पटना क गंगा क कछैर मे दीघा स दीदारगंज क बीच गंगा ड्राइव वे क महत्वकांक्षी परियोजना लेल निर्माण कंपनी तय भ गेल। कई सालक मेहनत क बाद 1950 करोड़ क सिविल कास्ट क एहि परियोजना कए नवयुगा इंजीनियरिंग कंपनी लिमिटेड 1789 करोड़ टका क सबस कम दर कोट क हासिल क लेलक। पथ निर्माण विभाग क सचिव प्रत्यय अमृत कहला जे दशहरा क आसपास पटना सिटी दिस सएहि बहुप्रतीक्षित परियोजना क कायार्रंभ होएत। करार क अनुसार चारि साल मे एहि परियोजना कए पूरा कैल जाएत।
पूर्णत: ग्रीन फील्ड प्रोजेक्ट लेल शुक्रदिन बिहार स्टेट रोड डेवलपमेंट कारपोरेशन क कान्फ्रेस हाल मे फाइनेंसियल बिड कए खोलल गेल। एहि मे चारिटा कंपनी क बीच मुकाबला छल। एफकान क बिड कए जखन खोलल गेल त ओ 2200 करोड़ टकाक दर कोट केने छल, एचसीसी स 2810.68 करोड़ आ सिंप्लेक्स 2331 करोड़ रेट रखने छल। ओतहि नवयुगा महज 1789 करोड़ मे इ परियोजना झटकबा मे सफल रहल। संगहि ओ .65 फीसद क रिबेट क उल्लेख सेहो केलक अछि। एहि हिसाब स ओ एहि परियोजना लेल 1777.372 करोड़ टका क दर कोट केने छल।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments