नदी जोडबा लेल भ रहल डीपीआर तैयार

पटना : बिहार मे नदी कए जोड़बा लेल कुल 11टा योजना पर काज जारी अछि जाहि मे बाढ़ नियंत्रण, सिंचाई आ थर्मल पावर स संबंधित योजना शामिल अछि। बिहार राज्य जल संसाधन विभाग क प्रधान सचिव अफजल अमानुल्लाह कहला अछि जे नदी कए जोड़बाक एहि योजना सब मे सबस पैघ योजना 12298 करोड़ टकाक पटना जिला क बाढ़ अनुमंडल क समीप स गंगा नदी क जल कए दक्षिण बिहार मे स्थानांतरित करबाक अछि जाहि स पटना, नवादा, नालंदा, गया, औरंगाबाद आ जमुई जिला लाभान्वित होएत।
ओ कहला जे एहि योजना क पूर्व व्यवहार्यता रिपोर्ट स्वीकृत भ गेल अछि आ राष्ट्रीय जल विकास अभिकरण द्वारा एकर विस्तृत परियाजना रिपोर्ट (डीपीआर) तैयार करबाक काज प्रगति पर अछि। अमानुल्लाह कहला जे बक्सर लग गंगा नदी क जल कए दक्षिण बिहार मे स्थानांतरित करबाक एकटा अन्य योजना स रोहतास, आरा आ बक्सर जिला लाभान्वित होएत आ एहि परियोजना क डीपीआर राष्ट्रीय जल विकास अभिकरण तैयार क रहल अछि।
ओ कहला जे सिंचाई क उद्देश्य स नदी कए जोड़बाक 4441.82 करोड़ टकाक लागत वाला दोसर पैघ योजना कोशी-मेची लिंक योजना अछि जेकर पूर्व व्यवहार्यता रिपोर्ट स्वीकृत भ गेल अछि आ एकर डीपीआर सेहो तैयार कैल जा रहल अछि। एहि योजना स प्रदेश क सुपौल, सहरसा, अररिया, किशनगंज आ पूर्णिया जिला लाभान्वित होएत। अमानुल्लाह कहला जे बाढ़ नियंत्रण क उद्देश्य स नदी कए जोड़बा लेल तैयार योजना मे सबस पैघ 3946 करोड़ टकाक बूढ़ी गंडक- सोन- बाया- गंगा लिंक योजना अछि जाहि स समस्तीपुर, बेगूसराय आ खगड़िया जिला लाभान्वित होएत। एहि परियोजना क पीपीआर केंद्रीय जल आयोग कए स्वीकृति लेल पठाउल जा चुकल अछि।

maithili news, mithila news, bihar news, latest bihar news, latest mithila news, latest maithili news, maithili newspaper

नीक वा अधलाह - ज़रूर कहू जे मोन होय

comments

1 टिप्पणी

  1. योजना कतेको बेर बनल आ कतेको बेर हेरायल ।

    जहिया पूरा होयत तहिया बधाई ।

Comments are closed.