देश-दुनिया क चुनिंदा पुलिस अकादमी मे होएत राजगीर क पुलिस ट्रेनिंग एकेडमी

1
13
esamaad maithili newspaper

प्रीतिलता मल्लिक
पटना ।
ढील वरदी, मोट चरबी। बिहार पुलिस क इ लुक आब शायद नहि भेटत। राज्य सरकार पुलिसकर्मी लेल बेहतर ट्रेनिंग क व्‍यवस्‍था करि लेलक अछि। आब नीक माहौल मे हुनकर स्कूलिंग होएत। एकरा लेल हाइ वालिटी ट्रेनिंग सेंटर क निर्माण भ रहल अछि। 136 एकड़ मे राजगीर मे पुलिस अकादमी तेजी स बनि रहल अछि। लागत 206 करोड़ अछि। ढाई साल मे इ बनि कए तैयार भ जाएत। चार किलोमीटर मे अकादमी क चहारदीवारी बनि चुकल अछि। देश-दुनिया क चुनिंदा पुलिस अकादमी मे स इ एकटा होएत। राजधानी स एकर दूरी केवल 90 किलोमीटर अछि। राजगीर-छबीलापुर सड़क पर एक कात पुलिस अकादमी बनि रहल अछि त दोसर कात नालंदा अंतरराष्ट्रीय विश्वविद्यालय क विशाल परिसर तैयार भ रहल अछि। सितंबर स मुख्य भवन क निर्माण शुरू होएत। सीपी कुकरतो कए कंसल्टेंट छथि। कैंपस क 90 प्रतिशत भाग खुलल रहत आ मात्र 10 फ़ीसदी एरिया मे निर्माण होएत। एहि ठाम तीस प्रतिशत बिजली गैर पारंपरिक स्रोत स उत्पादित होएत। एहन मे जतए जेतबा बिजली क जरूरत होएत, ओहि स तीस फ़ीसदी कम मे काज चलि जाएत। भवन एहन बनाउल जा रहल अछि जाहि मे भीतर क तापमान बाहरी तापमान स कम-स-कम 10 डिग्री सेल्सियस कम रहत। वर्षा भेला पर एक बूंद पानी कैंपस मे नहि ठहरत। कोल डस्ट आ सीमेंट मिश्रित ईंट क उपयोग भ रहल अछि। भारत सरकार क ग्रीन रेटिंग फ़ार इंटीग्रेटेड हैबिटेट एसेसमेंट (ग्रिहा) एकरा फ़ाइव स्टार ग्रेडिंग केलक अछि। देश क 15 टॉप ग्रीन बिल्डिंग मे एहि अकादमी क भवन सेहो होएत। एकर संगहि एहि ठाम अंतरराष्ट्रीय स्तर क कन्वेंशन, खेल प्रतियोगिता आ सेमिनार करेबा लेल विश्‍वस्‍तरक व्‍यवस्‍था होएत। अकादमी मे एकटा मुख्य भवन क संग संग एक हजार पुलिस अधिकारी क बैसबा योग्‍य क्लास रूम, ऑडिटोरियम, गेस्ट हाउस सेहो होएत। कैंपस मे दू टा पैघ स्टेडियम, दू टा परेड ग्राउंड, इनडोर आ आउटडोर फ़ायरिंग रेंज, मोटर ट्रांसपोर्ट, घुड़सवारी क सुविधा सेहो होएत। कैंपस मे 15 सौ लोकक क्षमता वाला छात्रावास, अस्पताल, कर्मी क बच्‍चा लेल स्कूल, श्वान दस्ता, जीप ड्राइविंग आ यातायात क ट्रेनिंग सुविधा सेहो होएत। राजगीर पुलिस अकादमी मे नवनियुक्त दारोगा स ल कए नव आइपीएस अधिकारी कए ट्रेनिंग क सुविधा होएत। सिपाही-हवलदार कए सेहो डयूटी क दौरान देल जाइवाला ट्रेनिंग एहि अकादमी मे देल जा सकत। ट्रैफ़िक पुलिस कए सेहो प्रशिक्षण देल जाएत।

Please Enter Your Facebook App ID. Required for FB Comments. Click here for FB Comments Settings page

1 COMMENT

  1. bahut khusi ke baat sanghi nitish jee ke sayad (PCR) Patna aur aas-paas ke shetrak siwa aur sayad kicchu nahi dekhay parait chhain. hunka lel sayad Biharak matalab (PCR) me manukha raith achhi banki jagah janwar sabhak waas chhaik.

Comments are closed.