दू टा निजी सेक्टर कए उद्योग लगेबा लेल भेटल अनुमति

पटना। राज्य मे निवेश क प्रक्रिया धीरे-धीरे तेज भ रहल अछि। एहि संदर्भ मे पिछला हफ्ता राज्य कैबिनेट दू टा निजी निवेशक प्रस्ताव कए मंजूरी देलक। इंदौर क सुमन एग्रीटेक प्रा.लि. 45 हजार मिट्रिक टन क्षमता वाला वेजिटेबुल रिफाईड आयल क यूनिट भोजपुर जिला क कुल्हडिय़ा मे स्थापित करत। एहि यूनिट मे इंटर इस्टेरिफिकेशन यूनिट आ बेकरी क उत्पादन सेहो होएत। 30 एकड़ जमीन पर एहि प्रोजेक्ट कए एहि साल अपै्रल माह मे शुरू करि देल जाएत। एहि यूनिट मे 250 टा लोक कए रोजगार भेटत। एकर अलावा हरियाणा क ट्राईटोन इनजी लिमिटेड औरंगाबाद जिला क बारूण मे 1320 मेगावाट विद्युत उत्पादन क्षमता क कोल बेस्ड थर्मल पावर स्थापित करत। एहि प्रोजेक्ट मे 6573 करोड़ टका क खर्च क अनुमान अछि। थर्मल पावर यूनिट स्थापित करबाक लेल 1400 एकड़ जमीन क व्यवस्था कंपनी स्वयं करत।
कैबिनेट सचिव एक टा विशेष भेंट मे कहलथि जे राजगीर मे भेल कैबिनेट क बैठक मे कुल 27 टा बिन्दु पर चर्चा भेल। एहि मे राजगीर ड्रेनेज सिस्टम योजना कए एहि वर्ष मलमास मेले स पूर्व शुरू करि कए दू साल मे पूरा करबाक लक्ष्य राखल गेल अछि। इ परियोजना 77.67 करोड़ टका क अछि।
एकर अलावा राजेन्द्र कृषि विवि क अधीन धान क कटोरा शाहाबाद क्षेत्र क डुमरांव मे कृषि महाविद्यालय क स्थापना पर सहमति जताउल गेल। राज्य मे 1900 ठाम मिनी पाइप जलापूर्ति योजना क तहत पेयजलापूर्ति क व्यवस्था कएल जाएत। एहि मे 1500 विद्युत आ 400 सौर ऊर्जा संचालित संयंत्र होएत। एहि योजना क लेल 26 टा सूखाग्रस्त जिला क चयन कएल गेल अछि। योजना पर 300 करोड़ टका खर्च होएत। राज्य म आर्सेनिक, फ्लोराइड आ लौह प्रभावित जिला मे ट्रिटमेंट प्लांट आ जलापूर्ति क लेल 332 करोड़ टका खर्च कएल जाएत। एहि तरह राज्य सरकार पेयजल पर कुल 632 करोड़ टका खर्च करत। भूमिहीन महादलित समुदाय क लोक कए आब 3 डिस्मिल जमीन खुद क्रय करबाक अधिकार द देल गेल अछि। एकर एवज मे हुनका अधिकतम 20 हजार टका भुगतान कएल जाएत।

नीक वा अधलाह - ज़रूर कहू जे मोन होय

comments

1 टिप्पणी

  1. krishi se la ka udyog lak,siksha sa la ka sarak tak Bihar ke badlab dekhbak lel aab Bihar genai jaruri……….Ha Ha saty ,Hamar tatka anubhav Parivartan saph dekhai parat ….Ahu sab jarur jau Bihar vikasak sikchhi banbak lel…NAV VARSHAK SUBHKAMNAK SANG…..ISH NATH MISHRA.

Comments are closed.