दीघा आईटीआई कैंपस : 465 कए भेटल नियुक्ति पत्र

0
10
esamaad maithili newspaper

पटना। किछु साल पहिने तक भूतबंगला बनल रहनिहार राज्य क औद्योगिक प्रशिक्षण संस्थान (आईटीआई) एक बेर फिर शिक्षा क मंदिर क रूप मे विकसित भ रहल अछि। राज्य क विभिन्न संस्थान स उत्तीर्ण भेलाक बाद छात्र कए नौकरी क तलाश मे आब भटकबा लेल मजबूर नहि हुए पडि़ रहल अछि। देश क कोने-कोने स कंपनी एहि ठाम कैंपस इंटरव्यू ल हुनका नियुक्ति पत्र प्रदान करि रहल अछि। राज्य क सबस पैघ औद्योगिक प्रशिक्षण संस्थान, दीघा मे कैंपस सेलेक्शन भेल। छात्र क सेलेक्शन दू चरण मे कैल गेल। पहिल चरण मे ओहि छात्र क चयन भेल जे पिछला साल संस्थान स उत्तीर्ण भेल छलथि। दोसर चरण मे एहि वर्ष परीक्षा देनिहार छात्र क चयन भेल। राज्य क विभिन्न आईटीआई स पूर्व मे सफलता प्राप्त करिनिहार लगभग 465 छात्र कए नियुक्ति पत्र प्रदान कैल गेल अछि। एहि मे दक्षिण भारतीय कंपनी श्रीबाला जी वेल्ड टेक, एन.एस. इंजीनियरिंग आ सिथार वेसेल्स लिमिटेड प्रमुख अछि। कुल चयनित छात्र मे 275 फीटर, 185 वेल्डर आ 5टा टर्नर ट्रेड स छथि। एहि स पूर्व हीरो होण्डा, बैक्स्टर इण्डिया, गैमन इण्डिया आ पावर टेक कैंपस सेलेक्शन केने छल। एनएस इंजीनियरिंग क मुख्य कार्यकारी अधिकारी पीएल सुन्दरम क कहब अछि जे बिहार क युवा काफी परिश्रमी होइत छथि। एहि कारण स हम सब अपन या अन्य राज्यक लोक स बेसी बिहारी कए पसंद करैत छी आ अन्य प्रदेश कए छोडि़कए बिहार अबैत छी। दीघा आईटीआई क प्राचार्या आशा सिंह क कहब अछि जे बदलल माहौल क परिणाम अछि जे छात्र आईटीआई क डिग्री लकए नौकरी क तलाश मे भटकैत रहैत छलाह, आइ नौकरी देनिहार हुनकर दुहारि पर आबि रहल छथि।
आशा सिंह क कहब अछि जे बिहार क आईटीआई संस्थान पर देश क नजरि अछि। देश क कोन-कोन स कंपनी प्रशिक्षित छात्र क लेल सम्पर्क करि रहल अछि। हाल क दिन मे एका सबस पैघ बदलाव इ आयल अछि जे पहिने हम कंपनी क शर्त पर छात्र कए पठबैत रही, मुदा आब पासा पलटि गेल अछि आब हम अपन शर्त पर कंपनी कए एहि ठाम बजबैत छी।

Please Enter Your Facebook App ID. Required for FB Comments. Click here for FB Comments Settings page