दक्षिण आ पूर्व मिथिला कए नेपाल स सीधा जोडबा लेल बनत दूटा सडक

पटना। मिथिला कए दूटा एहन अतिरिक्‍त फोर लेन सडक भेटल अछि जाहि स पूर्वी आ दक्षिणी मिथिला आब नेपाल स सीधा जुडत। पहिल सडक समस्‍तीपुर मे गंगा पर बनि रहल पुल कए नेपाल स जोडत त दोसर हाइवे क 31 किमी ‘मिसिंग लिंक’ पर सड़क आ पुल क निर्माण स भागलपुर कए नेपाल स जोडत। पहिल सडक ताजपुर कए नेपाल स जोडत। समस्‍तीपुर, दरभंगा आ मधुबनी भ कए नेपाल तक प्रस्‍तावित इ राजकीय पथ कए फोर लेन मे बनेबाक पथ निर्माण कए जिम्‍मेदारी भेटल अछि। इ सडक बख्तियारपुर, ताजपुर पुल भ कए बिठौली अतरबेल जाले, पुपरी, भिट्ठामोड़ भ नेपाल सीमा तक लगभग 115 किमी लंबा होएत। ताजपुरपुर भ कए हजरत जनदाहा थानापुर महुआ लालगंज वैशाली तक प्रसतावित 65 किमी क पथ कए सेहो फोर लेन मे तब्दील कैल जाएत। एहि सडक कए बनला स एहि इलाका मे उद्योग कए बढाबा भेटत।
ओतहि भागलपुर कए नेपाल स जोड़बा लेल 31 किमी ‘मिसिंग लिंक’ पर सडक आ पुल निर्माण कए केंद्र क मंजूरी भेटलाक बाद पूर्वी मिथिला नेपाल स सीधा जुडबाक अपन पूरान सपना पूरा क लेत। भाजपा सांसद शाहनवाज हुसैन क मेहनत क नतीजा छी जे आब एनएच 106 क आब खंडित नहि रहत। केंद्र सरकार 137 किलेमीटर लंबा एहि नेशनल हाइवे क 31 किमी ‘मिसिंग लिंक’ पर सड़क आ पुल क निर्माण कराउल जाएत। पुल क निर्माण पर 700 करोड़ क राशि खर्च होएत। पुल क डिजाइन तैयार करबाक जिम्‍मा आइआइटी रूड़की कए सौंपल गेल अछि।
दरअसल, भागलपुर क बिहपुर स ल कए नेपाल सीमा क निकट वीरपुर तक एहि फोर-लेन एनएच क निर्माण व‌र्ल्ड बैंक क आर्थिक सहायता स कैल जा रहल अछि। मुदा, बिहपुर स मधेपुरा क फुलौथ तक 31 किमी क लंबाई तक पहिने स कोनो सड़क नहि अछि। व‌र्ल्ड बैंक पहिने साफ कहि चुकल अछि जे जो पुरान सडक कए बनाउत, मुदा नव सडक अर्थात ओ ‘मिसिंग लिंक’ पर निर्माण नहि कराउत। जाहि स भागलपुर कए सीधा नेपाल स जोड़बाक सपना एनएच 106 क निर्माण भेलाक बावजूद पूरा नहि भ पाबि रहल छल। भागलपुरक स्‍थानीय सांसद शाहनवाज हुसैन एहि लेल बहुत दिन स प्रयासरत छलाह ओ एहि काज कए पूरा करेबा लेल मधेपुराक सांसद आ जदयू क राष्ट्रीय अध्यक्ष शरद यादव क मदद स केंद्रीय भूतल परिवहन मंत्री सीपी जोशी स भेंट केलथि आ हुनका स आग्रह केलथि जे एहि खंडित सडक कए जोडबाक कष्‍ट कैल जाए। हुनक आग्रह पर श्री जोशी एहि 31 किमी लंबा ‘मिसिंग लिंक’ पर सड़क आ पुल क निर्माण कए मंजूरी द देलथि अछि। पुल क डिजाइन तैयार करबा लेल आइआइटी रूड़की कए केंद्र सरकार 50 लाख क राशि सेहो द देलक अछि। कोसी पर प्रसतावित एहि पुल क लंबाई 4 किमी अछि। एहि पर करीब 700 करोड़ क राशि खर्च होएत, जे केंद्र सरकार वहन करत।

maithili news, mithila news, bihar news, latest bihar news, latest mithila news, latest maithili news, maithili newspaper

नीक वा अधलाह - ज़रूर कहू जे मोन होय

comments

1 टिप्पणी

  1. neek khabari achhi. Bihpur Jhandapur s madhepura NH 106 s joday Antarrashtriy maithili parishad kafee pahines maang kaene chhai-ee pura hoyat se jani harsh bhayal.

Comments are closed.