तीनटा बिजली थर्मल लेल भेटल कोल ब्लॉक

0
5
esamaad maithili newspaper

पटना । एकरा बिहारक जीत कही बा कांग्रेस कए जदयू क जरूरत, मुदा काफी समय स उठैत मांग कए पूरा करैत केन्द्र सरकार बिहार क तीनटा तापविद्युत परियोजना लेल कोयला ब्लॉक आवंटित क देलक अछि। राज्य क ऊर्जा मंत्री बिजेन्द्र प्रसाद यादव कहला जे काफी दिनक बाद आ काफी हो-हल्ला क बाद कोयला ब्लॉक आवंटित कैल गेल अछि। ओ कहला जे भागलपुर क पीरपैंती, लखीसराय क कजरा आ बक्सर क चौसा क प्रस्तावित परियोजना लेल पश्चिम बंगाल मे एकटा कोयला ब्लॉक आवंटित कैल गेल अछि।
यादव कहला जे बिहार कए विकास लेल बिजली क जरूरत अछि। कोयला ब्लॉक भेटला स एहि ठामक परियोजना सब आब जल्द स जल्द पूरा करबाक कोशिश होएत। बिजली विभाग क अधिकारी क अनुसार एहि तीनू परियोजना क बिजली उत्पादन क्षमता 1,320 मेगावाट अछि। एहि परियोजना क प्रारंभ भेला स बिहार कए 3,960 मेगावाट अतिरिक्त बिजली भेटत। तीनू योजना मे बिहार क 85 फीसदी हिस्सेदारी अछि। सात-सात हजार करोड़ क लागत स प्रस्तावित तीनू परियोजना लेल जमीन अधिग्रहण भ चुकल अछि।
उल्लेखनीय अछि जे बिहार कए वर्तमान समय मे रोजाना लगभग 3,000 मेगावाट बिजली क आवश्यकता अछि। राज्य मे केवल 100 मेगावाट क उत्पादन भ रहल अछि आ केंद्र सरकार 1,800 मेगावाट स कम बिजली क आपूर्ति क रहल अछि। राज्य मे 1,100 मेगावाट बिजली क कमी अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

Please Enter Your Facebook App ID. Required for FB Comments. Click here for FB Comments Settings page