ताजपुर स दरभंगा तक बनत फोर लेन सड़क

1600 करोड़ क लागत क बख्तियारपुर-ताजपुर सेतु क शिलान्यास
ताजपुर (समस्तीपुर)।
मुख्यमंत्री नीतीश कुमार कहला अछि जे गंगा नदी पर प्रस्‍तावित बख्तियारपुर-ताजपुर महासेतु कए दरभंगा तक फोर लेन सड़क स जोडल जाएत। एहि पुल क नामकरण जननायक कर्पूरी ठाकुर क नाम पर कैल जाएत। मुख्यमंत्री ताजपुर क एलकेबीडी कालेज प्रांगण मे आयोजित शिलान्यास समारोह मे बाजि रहल छलाह। ओ कहला जे बिहार मे पहिल बेर 9 सौ करोड़ क निजी भागीदारी स महासेतु क निर्माण कैल जा रहल अछि। उपस्थित जन कए इ विश्वास दैत कहला जे महासेतु क निर्माण मार्च 2015 तक निश्चित पूरा करि लैल जाएत। मुख्यमंत्री इ सेहो कहला जे अन्य राज्‍यक तुलना मे बिहार मे पुल क संख्या काफी कम अछि। एहि लेल आम लोक क सुविधा क लेल पुल क निर्माण कैल जा रहल अछि। ओ कहला जे दीघा आ सोनपुर क बीच सेहो सड़क पुल क निर्माण शुरू भ गेल अछि, संगहि आरा आ छपरा क बीच सेहो गंगा नदी पर पुल बनि रहल अछि। एहि संग ओ मोकामा स्थित राजेन्द्र पुल क चर्चा करैत कहला जे एकर रखरखाव रेल विभाग क जिम्‍मा मे अछि। इ काफी कमजोर भ चुकल अछि, जाहि स हाजीपुर क महात्मा गांधी सेतु पर काफी दबाव बढि गेल अछि। राज्य सरकार फैसला केलक अछि जे मोकामा मे गंगा नदी पर सेहो एकटा अलग स सड़क पुल क निर्माण कैल जाएत। एकरा लेल सबटा आवश्यक तैयारी पूरा कैल जा रहल अछि। मुख्यमंत्री कहला जे 1602.74 करोड़ क लागत स निर्मित होइवाला एहि पुल क लंबाई 5. 575 किलोमीटर होएत। एकर निर्माण कार्य हैदराबाद क कंपनी नवयुगा जाह्नवी टाल ब्रिज करत। एहि मे राज्य सरकार क हिस्सेदारी 307.50 करोड़ क अछि, जखनकि केन्द्र सरकार 277.50 करोड़ टका अंशदान द रहल अछि। ओतहि बाकी टका निजी निवेश क रूप मे 917.74 करोड़ क हिस्सेदारी होएत। एकर अलावा ओ कहला जे 2015 तक पूरा देश मे सड़क क मामला मे बिहार अव्वल स्थान बना लेत। बिहार मे विकास क क्षमता कए देखैत आब निजी क्षेत्र क लोग सेहो पूंजी निवेश करब शुरू करि चुकल छथि। शिक्षा पर चर्चा करैत मुख्यमंत्री कहला जे आब पहिल स लकए आठवीं तक क सबटा बच्‍चा कए मुफ्त मे पोशाक राशि क वितरण कैल जाएत।
रामदेव मसला पर ओ कहलथि जे जनता भ्रष्टाचार क खिलाफ आब एकजुट भ लड़ाई लड़बा लेल तैयार अछि। बिहार मे एकर शंखनाद भ चुकल अछि। सभा क अंत मे ओ कहला जे बिहार क जनता कए इ विश्वास दियबैत छी जे जाहि विश्‍वास स अहां सब हमरा दोबारा मुख्यमंत्री बनलहुं अछि , ओहि विश्वास कए हम हर किमत पर कायम राखब। समारोह मे बिहार राज्य रोड डेवलपमेंट क प्रबंध निदेशक प्रत्यय अमृत लोकक नजरि मे बनल रहलाह।

नीक वा अधलाह - ज़रूर कहू जे मोन होय

comments