तमिलनाडु मे बंधक बनल बिहारी पहुंचलथि पटना

पटना/सासाराम। तमिलनाडु क कोयंबटूर स्थित कपड़ा मिल श्रीराम गोकुल टेक्सटाइल प्राइवेट लिमिटेड मे बंधक बनाउल गले स बिहार क 22टा मजदूर सकुशल पटना लौट एलाह। हिनका सब कए शुक्रवार दिन कोयंबटूर जिला प्रशासन मुक्त करौने छल। एहि सिलसिला मे कंपनी क आठ टा बदमाश कए पुलिस गिरफ्तार कैने छल। मुख्यमंत्री नीतीश कुमार हिनका लोकनि कए बंधक बनेबाक सूचना पाबि कए एकरा गंभीरता स लइत राज्य क गृह विभाग क प्रभारी प्रधान सचिव आमिर सभानी कए आवश्यक कार्रवाई करबाक निर्देश देने छलाह। मुख्यमंत्री क निर्देश पर सुभानी तमिलनाडु क गृह सचिव, श्रम विभाग क वरिष्ठ पदाधिकारी आ कोयंबटूर क जिलाधिकारी स संपर्क स्थापित केने छलाह। रोहतास जिले क जिलाधिकारी अनुपम कुमार समाद देलथि अछि जे कोयंबटूर मे रिहा भेल सबटा श्रमिक करगहर थाना क्षेत्र क लखनपुरा, बसंतपुर आ सिरसियां गाम क रहनिहार छथि। श्रमिक क परिवार क लोकक कहब अछि जे कपड़ा मिल मे काज क दौरान एकटा मजदूर मनीष कुमार क हाथ कटि गेल। एकरा लेल जखन मुआवजा मांगल गेल त मिल प्रबंधन पहिने बिहारी मजदूर कए पिटलक फेर बंधक बना लेलक। एहि मे स पिंटु कुमार कोनो तरहे मोबाइल फोन स एकर सूचना अपन परिजन कए देलथि, जेकरन् आद इ मामला प्रकाश मे आइल आ मुख्यमंत्री सक्रिय भ मामला खत्म करौलथि।

नीक वा अधलाह - ज़रूर कहू जे मोन होय

comments

1 टिप्पणी

  1. bahut neek lagal videsh mein baisal maithil aahan ke paper paidh sakaiye bihar kr taraki ke baare mein suino ke mon khush bhel Very Good Job

Comments are closed.