चमड़ा उत्पादनक फेर केंद्र बनत मिथिला

मुजफ्फरपुर : मिथिला एक बेर फेर चमड़ा उत्पादनक फेर केंद्र बनत। बेतिया आ पंडौल में पुरान लेदर क्लस्टर कए खंडहर क बीच सरकार मुजफ्फरपुर मे नव लेदर क्लस्टर तैयार करबाक योजना बनेलक अछि। सब किछु योजना क अनुसार भेल त बहुत जल्द मिथिला फेर अंतरराष्ट्रीय नक्शा पर चमकत। एसपीवी मुजफ्फरपुर मे नव लेदर क्लस्टर लेल तैयारी क रहल अछि। एकरा लेल दस्तावेजी काज तेज क देल गेल अछि। टाटा गु्रप आ कानपुर क लेदर कंपनी कए सेहो एसपीवी मे शामिल करबा लेल प्रस्ताव देल गेल अछि। बिहार फिनिश्ड लेदर वर्क्स मे 50 करोड़ टकाक लागत स कॉमन फैसिलिटी सेंटर क स्थापना होएत।
तीन दशक पूर्व राज्य सरकार क प्रतिष्ठित टेनरी बिहार फिनिश्ड लेदर रहल अछि। एहि ठाम नीदरलैंड स मशीने आनल गेल छल। मुदा 20 साल पूर्व एकरा ठेका पर द देल गेल छल आ ओतहि स एकर बबार्दी शुरू भेल छल। इसमाद किछु दिन पहिने मिथिलाक चमड़ा उद्योग क स्थिति पर चिंता जाहिर केने छल। इसमाद इ जानकारी देने छल जे मिथिलाक सबटा लेदर क्लस्टर खंडहर भ चुकल अछि। बेतिया आ पंडौल जेकां टेनरी बिहार फिनिश्ड लेदर क सेहो कई करोड़ क मशीन चोरी भ चुकल अछि। कारखाना खंडहर भ चुकल अछि आ खिड़की का केबार तक गायब भ चुकल अछि। 25 एकड़ जमीन पर बेला औद्योगिक क्षेत्र मे कार्यरत मुजफ्फरपुर क टेनरी बिहार फिनिश्ड लेदर खंडहर भ चुकल अछि। बहरहाल आब इ उम्मीद जगल अछि जे एहि ठाम कॉमन फैसिलिटी सेंटर क स्थापना होएत। यानी पूर्व क भांति लेदर फिनिश्ड क काज होएत।
सवाल अछि जे आखिर खंडहर मे नव निर्माण कोना होएत। एहि संबंध मे एहि पर अल्फा लेदर, मुजफ्फरपुर क प्रोपराइटर डॉ. परवेज अख्तर क कहब अछि जे लेदर क्लस्टर लेल सबस पहिने स्पेशल परपज व्हीकल (एसपीवी) क गठन होएत। एकर बाद बेला औद्योगिक क्षेत्र मे कार्यरत चमड़ा क इकाइयां अल्फा लेदर, ग्रीन लेदर, सबा टेनरी, हारून टेनरी आ नार्थ बिहार क संग कानपुर क टीरूबाला एक्सपोर्ट कंपनी आ टाटा गु्रप क लेदर कंपनी कए मिला कए विशिष्ट क्रियान्वयन समिति (एसपीवी) क प्रस्ताव अछि। अख्तर क कहब अछि जे हम सब जल्दी स जल्दी विशिष्ट क्रियान्वयन समिति (एसपीवी) बनेबाक प्रयास करब, ताकि एकटा पैघ प्रोजेक्ट एहि क्षेत्र मे शुरू भ सकत। रोजगार क अवसर पैदा होएत।
सवाल इ सेहो अछि जे एकरा लेल राशि क व्यवस्था कोना होएत, एहि पर बियाडा क प्रबंध निदेशक दीपक कुमार सिंह क कहब अछि जे 50 करोड़ टका मे 60 फीसद केंद्र सरकार आ 30 फीसद राज्य सरकार अंश देत, जखनकि 10 फीसद राशि लेदर क्लस्टर स जुड़ल कंपनी देत। ओ कहला जे इ एकटा अति महत्वाकांक्षी योजना अछि। एहि स बिहार क आर्थिक विकास जुड़ल अछि। ताहि लेल एकरा शुरू करबा लेल पैघ कंपनी कए प्रस्ताव देल गेल अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments